ന്യൂഡല്ഹി: നരേന്ദ്ര മോഡിയുടെ നേതൃത്വത്തിലുള്ള മൂന്നാം എന്ഡിഎ സര്ക്കാരിലെ മന്ത്രിമാരുടെ വകുപ്പുകളില് തീരുമാനമായി. ആഭ്യന്തരമന്ത്രിയായി അമിത് ഷാ തുടരും. എസ്.ജയശങ്കര് വിദേശകാര്യം, രാജ്നാഥ് സിങ് പ്രതിരോധം, നിതിന് ഗഡ്കരി ഉപരിതല ഗതാഗതം, നിര്മല സീതാരാമന് ധനകാര്യം എന്നീ മന്ത്രാലയങ്ങളില് തുടരും.
കേരളത്തില് നിന്നുള്ള കേന്ദ്ര സഹമന്ത്രിമാരായ സുരേഷ് ഗോപിക്ക് ടൂറിസം, പെട്രോളിയം വകുപ്പുകളും ജോര്ജ് കുര്യന് ന്യൂനപക്ഷ ക്ഷേമം, ഫിഷറീസ്, വകുപ്പുകളുമാണു ലഭിച്ചത്.
ഗജേന്ദ്ര സിംഗ് ഷെഖാവത്ത് ആണ് സാംസ്കാരികം, ടൂറിസം വകുപ്പുകള് കൈകാര്യം ചെയ്യുന്ന മന്ത്രി. 30 കാബിനറ്റ് മന്ത്രിമാരും സ്വതന്ത്ര ചുമതലയുള്ള 5 സഹമന്ത്രിമാരും, 36 സഹമന്ത്രിമാരുമാണ് കഴിഞ്ഞദിവസം സത്യപ്രതിജ്ഞ ചെയ്തത്.
Discussion about this post