പത്തനംതിട്ട: ഓടിക്കൊണ്ടിരിക്കുന്ന ബസ്സിന്റെ പിന്‍വാതിലിലൂടെ തെറിച്ച് വീഴാന്‍ പോയ യുവാവിനെ അത്ഭുകരമായി രക്ഷപ്പെടുത്തി കണ്ടക്ടര്‍. ഒറ്റക്കൈ കൊണ്ട് സിനിമാ സ്‌റ്റൈലില്‍ യാത്രക്കാരനെ കണ്ടക്ടര്‍ രക്ഷപ്പെടുത്തുന്നതിന്റെ വീഡിയോ സോഷ്യല്‍മീഡിയയില്‍ വൈറലായിരിക്കുകയാണിപ്പോള്‍.
കൊല്ലം മണ്‍റോതുരുത്ത് സ്വദേശിയാണ് ബിലുവാണ് യാത്രക്കാരനെ അത്ഭുതകരമായി രക്ഷപ്പെടുത്തിയത്. പന്തളം- ചവറ റൂട്ടില്‍ ഓടുന്ന ബസില്‍ കാറാളിമൂക്കില്‍ വച്ചാണ് സംഭവം.
യാത്രക്കാര്‍ക്ക് ടിക്കറ്റ് നല്‍കിക്കൊണ്ടിരിക്കുകയായിരുന്നു ബിലു. ടിക്കറ്റ് നല്‍കി ബാലന്‍സ് വാങ്ങുന്നതിനിടെ നിയന്ത്രണംവിട്ട് വാതിലിന്റെ ലോക്ക് തുറന്ന് പുറത്തേയ്ക്ക് വീഴാന്‍ പോയ യാത്രക്കാരനെ ബിലു ഒറ്റക്കൈ കൊണ്ട് പിടിച്ച് രക്ഷിക്കുകയായിരുന്നു.
ഇതിന്റെ വീഡിയോ വൈറലായതിന് പിന്നാലെ മോട്ടോര്‍ വാഹനവകുപ്പ് അടക്കം വിളിച്ച് ബിലുവിനെ അഭിനന്ദിച്ചു. തന്നെ ഒത്തിരിപ്പേര്‍ വിളിച്ച് അഭിനന്ദിച്ചുവെന്നും വീഴാന്‍ പോയ യുവാവിനെ പെട്ടെന്ന് എനിക്ക് പിടിക്കാന്‍ കഴിഞ്ഞതല്ലെന്നും അന്നേരത്തെ റിയാക്ഷനില്‍ അങ്ങനെ തോന്നിപ്പോയതാണെന്നും ബിലു പറഞ്ഞു.
Discussion about this post