സോഷ്യൽമീഡിയയിൽ താരമായ നടി അഹാനയുടെ പുതിയൊരു ഇൻസ്റ്റഗ്രാം സ്‌റ്റോറിയാണ് ഇപ്പോൾ ചർച്ചയാകുന്നത്. താൻ പങ്കിട്ട ഒരു ചിത്രത്തിന് ‘അച്ഛൻ പൊട്ടിയല്ലോ’ എന്ന് കമന്റ് ചെയ്തയാൾക്ക് നൽകിയ മറുപടിയാണ് താരം തന്നെ ഷെയർ ചെയ്തിരിക്കുന്നത്.
ചൊറിയാൻ വന്ന വ്യക്തിക്ക് കൃത്യമായ മറുപടി തന്നെയാണ് അഹാന നൽകിയിരിക്കുന്നത്. ഒറ്റവാക്കിൽ ‘അയിന്’ എന്നാണ് അഹാന തിരിച്ച് ഉത്തരമായി ഒരു ചോദ്യം എറിഞ്ഞിരിക്കുന്നത്. ഇൻസ്റ്റഗ്രാം സ്റ്റോറിയായാണ് ഈ വിമർശക കമന്റും താൻ നൽകിയ മറുപടിയും താരം പങ്കുവച്ചത്.
നേരത്തെമകൾ എന്ന നിലയിലാണ് താൻ അച്ഛനെ പിന്തുണയ്ക്കുന്നതെന്നും നടി എന്ന നിലയിലോ രാഷ്ട്രീയം നോക്കിയോ അല്ല തന്റെ തീരുമാനമെന്നും അച്ഛന്റെ സ്ഥാനാർഥിത്വത്തിൽ സന്തോഷമുണ്ടെന്നും അഹാന പറഞ്ഞിരുന്നു. രാഷ്ട്രീയത്തിലുപരിയായാണ് ഇതിനെ നോക്കിക്കാണുന്നതെന്നായിരുന്നു അഹാനയുടെ വാക്കുകൾ.
കൊല്ലം ലോക്‌സഭാ മണ്ഡലത്തിലാണ് ബിജെപി സ്ഥാനാർഥിയായി നടൻ കൃഷ്ണകുമാർ മത്സരിച്ചത്. കൊല്ലത്ത് എൻകെ പ്രേമചന്ദ്രൻ വിജയിച്ചപ്പോൾ ഇടത് സ്ഥാനാർഥിയായ മുകേഷ് രണ്ടാം സ്ഥാനത്തും ബിജെപി സ്ഥാനാർഥിയായ കൃഷ്ണകുമാർ മൂന്നാം സ്ഥാനത്തുമാണ് എത്തിയത്.
Discussion about this post