ചെന്നൈ: അമിത വേഗത്തില് എത്തിയ ലോറി പാഞ്ഞു കയറി ഏഴ് സ്ത്രീകള്ക്ക് ദാരുണാന്ത്യം. തമിഴ്നാട്ടിലെ തിരുപ്പത്തൂരിലാണ് വാഹനാപകടം നടന്നത്. റോഡരികില് പാര്ക്ക് ചെയ്തിരുന്ന ടൂറിസ്റ്റ് വാനില് അമിത വേഗതയിലെത്തിയ ലോറി ആദ്യം പാഞ്ഞുകയറുകയും, പിന്നാലെ റോഡരികിലിരുന്ന സ്ത്രീകളെ ഇടിക്കുകയായിരുന്നു. തിരുപ്പത്തൂരിലെ നാട്രംപള്ളിക്ക് സമീപമാണ് സംഭവം.
7 സ്ത്രീകളും സംഭവസ്ഥലത്ത് തന്നെ മരിച്ചു. അപകടത്തില് 10 പേര്ക്ക് ഗുരുതരമായി പരിക്കേറ്റു. പരിക്കേറ്റവരെ സമീപത്തെ ആശുപത്രിയില് പ്രവേശിപ്പിച്ചു. മരിച്ചവരെല്ലാം ഒരേ ഗ്രാമത്തില് നിന്നുള്ളവരാണ്. എല്ലാവരും 2 ദിവസത്തെ മൈസൂര് യാത്രയ്ക്ക് ശേഷം സ്വന്തം നാട്ടിലേക്ക് മടങ്ങുമ്പോഴാണ് അപകടം.
രണ്ട് വാനുകളിലാണ് യാത്ര സംഘം സന്ദര്ശിച്ചിരുന്നത്. നാട്രംപള്ളിക്ക് സമീപമെത്തിയപ്പോള് വാനുകളില് ഒന്ന് തകരാറിലായി. ഇതോടെ യാത്രക്കാര് വാനില് നിന്നിറങ്ങി റോഡരികില് ഇരുക്കുകയായിരുന്നു. ആ സമയത്ത് കൃഷ്ണഗിരിയില് നിന്ന് വന്ന മിനിലോറി അറ്റകുറ്റപ്പണി നടത്തിക്കൊണ്ടിരുന്ന വാനുമായി കൂട്ടിയിടിക്കുകയായിരുന്നു. തുടര്ന്ന് റോഡരികില് ഇരുന്നവരുടെ മേല് പാഞ്ഞു കയറുകയായിരുന്നു.
Discussion about this post