പ്രശസത് സിനിമാതാരം ആന്റണി വര്ഗീസ് എന്ന പെപ്പെയ്ക്കെതിരെ ഗുരുതര ആരോപണവുമായി സംവിധായകന് ജൂഡ് ആന്തണി ജോസഫ്. ഉഡായിപ്പിന്റെ ഉസ്താദാണ് പെപ്പെയെന്നും പത്ത് ലക്ഷം രൂപ വാങ്ങിയ ശേഷം അവസാന നിമിഷം സിനിമയില് നിന്ന് പിന്മാറിയെന്നും ജൂഡ് പറയുന്നു.
ഒരു യോഗ്യതയും ഇല്ലാത്ത ആളാണ് പെപ്പെ. ഇത്തരം നന്ദിയില്ലാത്തവര് സിനിമയില് വരുന്നുണ്ട്. വന്ന വഴി മറക്കുക നന്ദി ഇല്ലാതിരിക്കുക എന്നൊക്കെയാണ് പറയേണ്ടതെന്നും അവന് ഒരു ചീത്തപ്പേര് വരണ്ടാ എന്ന് വിചാരിച്ചാണ് മിണ്ടാതിരുന്നതെന്നും ജൂഡ് ഒരു അഭിമുഖത്തില് പറഞ്ഞു.
കഞ്ചാവടിച്ചു എന്നതാണ് ഷെയ്ന് നിഗം, ഭാസി എന്നിവരുടെയൊക്കെ പേരില് വരുന്ന കുറ്റം. ഇതും ഒന്നുമല്ലാതെ സാധാരണ മനുഷ്യനായിട്ട് പെപ്പെ എന്നൊരാളുണ്ട്. ആന്റണി വര്ഗീസ്. അയാള് ഭയങ്കര സംഭവമായി, വളരെ നല്ലവന് എന്ന് വിചാരിച്ച് എല്ലാവരും ഇരിക്കുകയാണെന്നും ജൂഡ് കൂട്ടിച്ചേര്ത്തു.
താന് ചെയ്യാനിരുന്ന ഒരു സിനിമ ഉണ്ട്. കയ്യില് കാശ് ഉണ്ടായിരുന്നിട്ടല്ല. എന്റെ ഒരു സിനിമ ചെയ്യാന് വന്ന അരവിന്ദ് എന്ന പ്രൊഡ്യൂസറുടെ അടുത്ത് നിന്ന് 10 ലക്ഷം രൂപ വാങ്ങിച്ചിട്ട്, അവന്റെ പെങ്ങളുടെ കല്യാണം നടത്തിയെന്നും എന്നിട്ട് 18 ദിവസം മുമ്പ് സിനിമയില് നിന്ന് പിന്മാറിയെന്നും ജൂഡ് പറഞ്ഞു.
Discussion about this post