ഇനിയും കലോത്സവ ടെന്ഡറിംഗില് പഴയിടം പങ്കെടുക്കണമെന്നാണ് തന്റെ ആഗ്രഹമെന്ന് അദ്ധ്യാപകനും മുന് മാദ്ധ്യമപ്രവര്ത്തകനുമായ അരുണ്കുമാര്. ഫേസ്ബുക്കിലൂടെ അരുണ് കുമാര് പഴയിടം മോഹനന് നമ്പൂതിരിക്ക് തുറന്ന കത്തെഴുതി.
16 വര്ഷത്തെ കോണ്ട്രാക്റ്റ് ഉപേക്ഷിച്ച് അങ്ങ് പോയി മറ്റൊരാള്, അയാള് നായരോ നായാടിയോ എത്തിയാലും ഇതേ മെനുവാണെങ്കില് ഇതേ ചോദ്യം ആവര്ത്തിച്ചു കൊണ്ടേയിരിക്കുമെന്ന് അരുണ്കുമാര് പറയുന്നു.
നല്ല നിലയില് സതി അനുഷ്ഠിച്ചതില് നിന്ന്, തൊട്ടുകൂടായ്മയില് നിന്ന്, ജാതി അടിമത്തത്തില് നിന്ന് ഒക്കെ പൊരുതിയും ചോദിച്ചും ഒക്കെയാണ് മനുഷ്യര് ആ നിലകളെ താണ്ടിയതെന്നും വൈവിധ്യങ്ങളുടെ ആഘോഷമാണ് ജനാധിപത്യത്തിന്റെ രുചിയെന്നും അരുണ് പറയുന്നു.
അതേസമയം, തനിക്കെതിരെ ഉയരുന്ന വ്യക്തിപരമായ ചില അധിക്ഷേപങ്ങള്ക്കും അരുണ്കുമാര് മറുപടി പറയുന്നുണ്ട്. ”മുന്നു വര്ഷം മുമ്പുള്ള അഭിമുഖവുമായി എത്തുന്നവരോട് കുട്ടികള്അവര്ക്കാഗ്രഹമുള്ളിടത്തോളം നോണ് വെജ് ആയി തുടരും, ഞാനും’ എന്നും അരുണ് പറയുന്നു.
also read: അഞ്ജുശ്രീയുടെ മരണത്തിന് കാരണം എലിവിഷം; സമഗ്ര അന്വേഷണം വേണമെന്ന് കുടുംബം
ഫേസ്ബുക്ക് പോസ്റ്റിന്റെ പൂര്ണരൂപം
”പ്രിയപ്പെട്ട പഴയിടം അങ്ങ് ഇനിയും കലോല്സവ ടെന്ഡറിംഗില് പങ്കെടുക്കണം എന്നു തന്നെയാണ് ആഗ്രഹം. അങ്ങയുടെ അദ്ധ്വാനത്തെയും അതിലെ പ്രാവീണ്യത്തെയും മാനിക്കുന്നു. വെജിറ്റേറിയന് ഭഷണത്തിന്റെ സാത്വികത എന്നതിനോട് വിയോജിക്കുകയും ചെയ്യുന്നു.
നോണ് വെജ് മെനു ആണെങ്കില് അങ്ങ് കായികോത്സവത്തിനു ചെയ്തതു പോലെ താങ്കളും ടെന്ഡര് കൊടുക്കണം. അതൊരു ‘ബ്രാന്ഡിംഗ് ‘ ഭീഷണിയാണോ എന്ന് തീരുമാനിക്കേണ്ടത് അങ്ങാണ്. ആശയങ്ങളെ ആളുകളില് കെട്ടി ആളിനെയല്ല തല്ലിക്കൊല്ലേണ്ടത്. ഹിന്ദുത്വത്തിനെതിരെ എന്നാല് ഹിന്ദുക്കള്ക്കെതിരെ എന്ന നരേഷന് ഫാസിസ്റ്റു യുക്തിയാണ്.
കല സമം വെജിറ്റേറിയന് എന്ന ശുദ്ധി സങ്കല്പങ്ങളെ ചോദ്യം ചെയ്യുന്നത് അതിനു പിന്നിലെ ദൃഢീകരിക്കപ്പെട്ട ജാതി ബോധ്യങ്ങളെ ( പിയര് ബോര്ദ്രുന്റെ ഭാഷയില് doxa, ഗ്രാംഷിയുടെ ഭാഷയില് സാമാന്യബോധം) വിമര്ശിക്കുന്നത് ഒരു വ്യക്തിയിലേക്ക് ചുരുക്കുന്നതാണ് കണ്ടത്.
16 വര്ഷത്തെ കോണ്ട്രാക്റ്റ് ഉപേക്ഷിച്ച് അങ്ങ് പോയി മറ്റൊരാള് അയാള് നായരോ നായാടിയോ എത്തിയാലും ഇതേ മെനുവാണെങ്കില് ഇതേ ചോദ്യം ആവര്ത്തിച്ചു കൊണ്ടേയിരിക്കും. നല്ല നിലയില് സതി അനുഷ്ഠിച്ചതില് നിന്ന്, തൊട്ടുകൂടായ്മയില് നിന്ന്, ജാതി അടിമത്തത്തില് നിന്ന് ഒക്കെ പൊരുതിയും ചോദിച്ചും ഒക്കെയാണ് മനുഷ്യര് ആ നിലകളെ താണ്ടിയത്. വൈവിധ്യങ്ങളുടെ ആഘോഷമാണ് ജനാധിപത്യത്തിന്റെ രുചി.
വിജയന് മാഷ് പറഞ്ഞതുപോലെ കുട്ടിയെ പുറത്താക്കിയാലും ചോദ്യം അവിടെ തുടരും എന്നു മാത്രം.
NB : മുന്നു വര്ഷം മുമ്പുള്ള അഭിമുഖവുമായി എത്തുന്നവരോട് കുട്ടികള്അവര്ക്കാഗ്രഹമുള്ളിടത്തോളം നോണ് വെജ് ആയി തുടരും, ഞാനും”.
Discussion about this post