തിരുവനന്തപുരം: പുതിയ വര്ഷം സാക്ഷ്യം വഹിക്കാനൊരുങ്ങുന്നു പെണ്കരുത്തിന്റെ ശക്തി. നവോത്ഥാനമൂല്യങ്ങള് സംരക്ഷിക്കാനായി ഇന്ന് വനിതാമതില് നാലുമണിമുതല് ഉയരും കാസര്ക്കോട് മുതല് തിരുവനന്തപുരം വരെ ഒറ്റക്കെട്ടായി ചരിത്രത്തിലേക്ക്…
വിവിധ സംഘടനകളുടെ പിന്തുണയോടെയാണ് സര്ക്കാര് വനിതാമതിലിന് നേതൃത്വം നല്കുന്നത്. വനിതാ മതിലിന് അടിസ്ഥാനം ശബരിമല വിധിയെന്ന് മുഖ്യമന്ത്രി പിണറായി വിജയന് വെളിപ്പെടുത്തിയിരുന്നു. ശബരിമല വിധിക്ക് ശേഷം ഉയര്ന്ന വിവാദങ്ങള്ക്കും വിമര്ശനങ്ങള്ക്കുമെല്ലാമുള്ള മറുപടി വനിതാ മതിലിലൂടെ നല്കാനാണ് സര്ക്കാറിന്റേയും സിപിഎമ്മിന്റെയും ശ്രമം. കോണ്ഗ്രസ്സും ബിജെപിയും വിശ്വാസികള്ക്കൊപ്പം നിലയുറപ്പിച്ചതോടെയാണ് സര്ക്കാര് നവോത്ഥാനമൂല്യം ഉയര്ത്തിയുള്ള പ്രതിരോധ മതില് തീര്ക്കാനൊരുങ്ങിയത്.
ഡിസംബര് ഒന്നിന് മതില് തീര്ക്കാനുള്ള പ്രഖ്യാപനം വന്നത് മുതല് സംസ്ഥാനത്തെ പ്രധാന ചര്ച്ച ആരൊക്കെ മതിലിനൊപ്പമുണ്ട്, മതിലിന് പുറത്തുണ്ട് എന്നതായിരുന്നു. അതേസമയം എസ്എന്ഡിപി, കെപിഎംഎസ് അടക്കം നൂറിലേറെ സാമുദായിക സംഘടനകളുടെ പിന്തുണ സര്ക്കരിനുണ്ട്.
കാസര്കോട് ടൗണ് സ്ക്വയറില് ആദ്യ കണ്ണിയായി മന്ത്രി കെകെ ഷൈലജയും തിരുവനന്തപുരം വെള്ളയമ്പലം അയ്യങ്കാളി പ്രതിമക്ക് സമീപം സിപിഎം പിബി അംഗം വൃന്ദാകാരാട്ട് അവസാന കണ്ണിയുമായാണ് മതില് തീര്ക്കുന്നത്.
തിരുവനന്തപുരത്ത് പ്രതിജ്ഞക്ക് ശേഷം നടക്കുന്ന പൊതുസമ്മേളനം മുഖ്യമന്ത്രി ഉദ്ഘാടനം ചെയ്യും. വിവിധ ജില്ലകളില് മന്ത്രിമാരും നേതാക്കളും പിന്തുണയുമായുണ്ട്. കേരളത്തിനകത്തും പുറത്തുമുള്ള സാംസ്കാരിക പ്രവര്ത്തകര് മതിലില് പങ്കെടുക്കാനെത്തും. അതുപോലെ തന്നെ സമൂഹത്തിന്റെ എല്ലാ മേഖലയില് നിന്നുമുള്ള സ്ത്രീകളുടെ പിന്തുണ മതിലിന് കൂടുതല് കരുത്തേകും.
Discussion about this post