തൃശ്ശൂര്‍: പ്രമുഖ നാടക, സീരിയല്‍ നടന്‍ ദിനേശ് എം മനയ്ക്കലാത്ത് (48) ട്രെയിന്‍ തട്ടി മരിച്ചു. തൃശൂര്‍ റെയില്‍വേ സ്റ്റേഷനില്‍ വെച്ചാണ് അപകടം. കഴിഞ്ഞ ദിവസം ഡബിങ് കഴിഞ്ഞ് മടങ്ങുമ്പോഴായിരുന്നു അപകടം.
ദിനേശ് സിനിമകളിലും സീരിയലുകളിലും വേഷമിട്ടിട്ടുണ്ട്. നാടകങ്ങളില്‍ അഭിനയിച്ച് പല പുരസ്‌കാരങ്ങളും നേടിയിട്ടുണ്ട്. സംസ്ഥാന പ്രൊഫഷണല്‍ നാടകമത്സരത്തില്‍ ഇത്തവണ സഹനടനുള്ള അവാര്‍ഡ് ദിനേശിനായിരുന്നു. സദ്വാര്‍ത്തയില്‍ മാധ്യമപ്രവര്‍ത്തകനായിരുന്ന ദിനേശ് നാടക ഗാനങ്ങളും എഴുതിയിട്ടുണ്ട്. ആനുകാലികങ്ങളില്‍ കവിതകളെഴുതാറുണ്ട്. മികച്ച ഡബ്ബിംഗ് ആര്‍ട്ടിസ്റ്റുമായിരുന്നു.
പ്രമുഖ പത്രപ്രവര്‍ത്തകന്‍ ആര്‍എംമനയ്ക്കലാത്തിന്റെ സഹോദരന്‍ പരേതനായ അരവിന്ദാക്ഷമേനോന്റെ മകനാണ് മൂവാറ്റുപുഴ കൊടയ്ക്കാടത്ത് വീട്ടില്‍ ദിനേശ്. പരേതയായ പത്മാവതിയമ്മയാണ് അമ്മ. പോസ്റ്റ്‌മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുകൊടുക്കും.
Discussion about this post