ചിലരുടെ ഒരു നിമിഷത്തെ ആലോചനകൊണ്ട് മറ്റു ചിലരുടെ ജീവിതത്തില്‍ വന്‍മാറ്റങ്ങള്‍ ഉണ്ടായേക്കാം. അങ്ങനെ ഒരു കൂട്ടം ചെറുപ്പക്കാരുടെ ആലോചനയാണ് ഒല്ലൂര്‍ പോസ്റ്റ് ഓഫീസിലെ ഒരു സാധാരണ ജോലിക്കാരനായ ചന്ദ്രേട്ടനെ സൂപ്പര്‍ മോഡലാക്കിയിരിക്കുന്നത്.
സംഗീത് രാജ്, കിരണ്‍ ജെയിസ് തുടങ്ങിയ ചെറുപ്പക്കാരനാണ് ചന്ദ്രേട്ടനെ വച്ച് ഫോട്ടോഷൂട്ട് നടത്തിയത്. ചന്ദ്രേട്ടന് പകരം ഫോട്ടോയില്‍ വേറെയൊരാളായിരുന്നു ഉണ്ടാവേണ്ടിയിരുന്നത്. ഷൂട്ടിംഗിനായി ഒരുക്കങ്ങളെല്ലാം പൂര്‍ത്തിയായിരുന്ന വേളയിലാണ് ചന്ദ്രേട്ടന് ഇവരുടെ കണ്ണിലുടക്കിയത്.
ചന്ദ്രേട്ടനെ മുമ്പ് കണ്ടിട്ടുണ്ടെങ്കിലും യുവാക്കളുടെ കൂടെയുളള കിരണിന് ചന്ദ്രേട്ടനെ ഒരു അത്ഭുതമായി തോന്നിയത് അപ്പോഴാണ്. പിന്നൊന്നും നോക്കിയില്ല. ചന്ദ്രേട്ടനെ അങ്ങട് മോഡലാക്കി. സംഗീത് രാജ് തന്റെ കാമറയില്‍ ഒപ്പിയെടുത്ത ചിത്രങ്ങള്‍ ഇതിനോടകം തന്നെ സമൂഹമാധ്യമങ്ങളില്‍ വൈറലായിക്കഴിഞ്ഞു.
Discussion about this post