തിരുവനന്തപുരം: ന്യൂനമര്ദ്ദമായി ശക്തി കുറഞ്ഞ് തെക്കു കിഴക്കന് അറബിക്കടലില് എത്തിയ ഗജ ചുഴലിക്കാറ്റ് ഇന്ന് വൈകീട്ട് 6 മണിയോടെ വീണ്ടും ചുഴലിക്കാറ്റായി രൂപപ്പെടുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. ന്യൂനമര്ദ്ദം ചുഴലിക്കാറ്റായി രൂപപ്പെടാന് സാദ്ധ്യതയുള്ളതിനാല് ചൊവ്വാഴ്ച വരെ മത്സ്യബന്ധനത്തൊഴിലാളികള് കടലില് പോകരുതെന്നും മുന്നറിയിപ്പ് നല്കി.
നിലവില് ഈ ന്യൂനമര്ദ്ദം കൊച്ചി തീരത്ത് നിന്നും ഏകദേശം 400 കിലോമീറ്റര് പടിഞ്ഞാറ് മാറി നില നില്ക്കുകയാണ്. കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ അനുമാനം അനുസരിച്ച് ഈ ചുഴലിക്കാറ്റ് തുടര്ന്നും പടിഞ്ഞാറന് ദിശയില് സഞ്ചരിക്കാനാണ് സാദ്ധ്യത. തെക്ക്-കിഴക്ക് അറബിക്കടലിലും ലക്ഷദ്വീപ് പ്രദേശങ്ങളിലും 55 മുതല് 65 കി മീ വേഗത്തിലും ചില അവസരങ്ങളില് മണിക്കൂറില് 90 കി മീ വേഗത്തിലും കാറ്റ് വീശാന് സാധ്യതയുണ്ട്. മൂന്ന് ദിവസത്തേക്ക് (20.11.18) വരെ മല്സ്യ തൊഴിലാളികള് കടലില് പോകരുത്.
കേരളതീരത്ത് മണിക്കൂറില് 40 മുതല് 50 കിമീ വേഗതയിലും ചില അവസരങ്ങളില് 60 കിമീ വേഗത്തിലും ശക്തമായ കാറ്റുവീശാനും സാധ്യതയുണ്ട്.
Discussion about this post