കാസര്‍കോഡ്: പ്രധാനമന്ത്രി നരേന്ദ്ര മോഡി വെറും ദേശാടന പക്ഷിയല്ലെന്നും മാനസസരസില്‍ നിന്ന് മാലാകാരത്തിലേക്ക് പറന്നുയരുന്ന അരയന്നമാണെന്നും കെ സുരേന്ദ്രന്‍. ഫേസ്ബുക്കിലാണ് അദ്ദേഹം ഇക്കാര്യം പറഞ്ഞ്.
നേരത്തെ, ചില ദേശാടനക്കിളികള്‍ക്ക് കേരളം ഇഷ്ടഭൂമിയായി മാറിയിട്ടുണ്ടെന്ന് മുഖ്യമന്ത്രി പിണറായി വിജയന്‍ പറഞ്ഞിരുന്നു. പ്രധാനമന്ത്രി കേരളത്തിലെത്തുന്നതിന് മുന്നോടിയായുള്ള പിണറായിയുടെ ഈ പ്രസ്താവന മോഡിക്കെതിരെയാണെന്നായിരുന്നു പിന്നീട് വിശേഷണങ്ങള്‍ വന്നത്.
മരുഭൂമിയില്‍ നിന്നുള്ള ദേശാടനപ്പക്ഷിയാണ് ഇടയ്ക്കിടെ കേരളത്തിലെത്തുന്നത്. അത് നമ്മളെയെല്ലാം അസ്വസ്ഥമാക്കുന്നതോ, ഭയചകിതരാക്കുന്നതോ ആണ്. എന്ത് ആപത്താണ് ഈ നാടിന് വരാനിരിക്കുന്നതെന്ന് അറിയില്ലെന്നും പിണറായി പറഞ്ഞിരുന്നു. പിണറായി വിജയന്റെ ഈ ദേശാടനക്കിളി പരാമര്‍ശത്തിനെതിരെയാണ് ഇപ്പോള്‍ സുരേന്ദ്രന്റെ പുതിയ ഉപമ.
Discussion about this post