പട്‌ന : ദേഹത്ത് പറ്റിയ മുറിവില്‍ മരുന്ന് വെയ്ക്കാനെത്തിയ അമ്മക്കുരങ്ങിന്റെയും കുഞ്ഞിന്റെയും വീഡിയോ വൈറലാകുന്നു. ബിഹാറിലെ സസാറാമിലെ പ്രൈവറ്റ് ക്ലിനിക്കിലാണ് ചികിത്സയ്ക്കായി രണ്ടു പേരുമെത്തിയത്. ഡോക്ടറെ കാണാന്‍ രോഗികള്‍ക്കൊപ്പം കാത്തിരിക്കുന്ന കുരങ്ങിന്റെ വീഡിയോ നിമിഷങ്ങള്‍ക്കുള്ളില്‍ വൈറലായി.
ഡോ.എസ്.എം അഹമ്മദിന്റെ ക്ലിനിക്കിലാണ് കുഞ്ഞുമായി ചൊവ്വാഴ്ച ഉച്ചയോടെ കുരങ്ങെത്തിയത്. രോഗികളെ കിടത്തുന്ന കിടക്കയില്‍ കാത്തിരിക്കുന്ന കുരങ്ങിനെ കണ്ട് ആളുകള്‍ക്ക് വിശ്വസിക്കാനായില്ല. നിരവധി പേര്‍ കുരങ്ങിനെ കാണാന്‍ തിങ്ങിക്കൂടി.
बिहार के सासाराम में आज एक बंदर अपने घायल बच्चे को लेकर एक डॉक्टर के क्लिनिक में पहुँच गया और इलाज कराने के बाद वहाँ से निकला @ndtvindia @Anurag_Dwary pic.twitter.com/kI7LIpvQw5
— manish (@manishndtv) June 8, 2022
എന്നാല്‍ കുരങ്ങിന്റെ മുഖത്ത് മുറിവ് പറ്റിയിട്ടുണ്ടെന്ന് മനസ്സിലായതോടെ ആളുകള്‍ പിന്‍വാങ്ങി. കുട്ടിക്കുരങ്ങന്റെ കാലിലായിരുന്നു മുറിവ്. തുടര്‍ന്ന് ഡോക്ടറെത്തി പരിശോധിച്ചു. മരുന്ന് പുരട്ടുകയും വേണ്ട ശുശ്രൂഷ നല്‍കുകയും ചെയ്തതോടെ രണ്ട് പേരും ഉഷാറായി. മരുന്ന് വയ്ക്കുന്ന സമയത്തൊക്കെ ഇരുവരും ക്ഷമയോടെ ഇരിയ്ക്കുകയായിരുന്നുവെന്നാണ് ഡോക്ടര്‍ അറിയിച്ചിരിക്കുന്നത്.
Also read : ഇറാനില്‍ ഒറ്റ ദിവസം സ്ത്രീ അടക്കം പന്ത്രണ്ട് ബലൂചി തടവുകാര്‍ക്ക് വധശിക്ഷ
ആശുപത്രിയ്ക്ക് വെളിയില്‍ നോക്കി നില്‍ക്കുകയായിരുന്ന കുരങ്ങിനോട് അകത്തേക്ക് വരാന്‍ ഇദ്ദേഹം ആംഗ്യം കാണിച്ചതോടെയാണ് കുരങ്ങ് കുഞ്ഞുമായി ഉള്ളിലേക്ക് കയറിയത്. ചികിത്സയ്ക്ക് ശേഷം ഇരുവരും ഒരു ശല്യവുമുണ്ടാക്കാതെ ആശുപത്രി വിടുകയും ചെയ്തു.
