തിരുവനന്തപുരം: സംസ്ഥാനത്തിന് ഇന്ന് നേരിയ ആശ്വാസം. കൊവിഡ് രോഗം സ്ഥിരീകരിച്ചവരുടെ എണ്ണത്തേക്കാള് കൂടുതല് ആണ് ഇന്ന് രോഗമുക്തി നേടിയവരുടെ എണ്ണം. 885 പേര്ക്ക് രോഗം സ്ഥിരീകരിച്ചപ്പോള് 968 പേര്ക്ക് രോഗമുക്തി ലഭിച്ചു. കൊവിഡ് അവലോകന യോഗത്തിന് ശേഷം മുഖ്യമന്ത്രി പിണറായി വിജയന് നടത്തിയ വാര്ത്ത സമ്മേളനത്തിലാണ് ഇക്കാര്യം അറിയിച്ചത്.
ഇന്ന് 885 പേര്ക്ക് കൂടി രോഗം സ്ഥിരീകരിച്ചതോടെ സംസ്ഥാനത്ത് ഇതുവരെ രോഗം സ്ഥിരീകരിച്ചവരുടെ ആകെ എണ്ണം 16995 ആയി. ഇന്ന് 724 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 56 പേരുടെ ഉറവിടം വ്യക്തമല്ല. 64 പേര് വിദേശത്ത് നിന്നും 68 പേര് മറ്റ് സംസ്ഥാനങ്ങളില് നിന്നും എത്തിയവരാണ്. 24 ആരോഗ്യപ്രവര്ത്തകര്ക്കും രോഗം സ്ഥിരീകരിച്ചു. നാല് മരണങ്ങളും ഇന്ന് റിപ്പോര്ട്ട് ചെയ്തിട്ടുണ്ട്.
തിരുവനന്തപുരം 167 കൊല്ലം 133 കാസര്കോട് 106 കോഴിക്കോട് 82 എറണാകുളം 62 മലപ്പുറം 58 പാലക്കാട് 58 കോട്ടയം 50 ആലപ്പുഴ 44 തൃശ്ശൂര് 33 ഇടുക്കി 29 പത്തനംതിട്ട 23കണ്ണൂര് 18 വയനാട് 15 എന്നിങ്ങനെയാണ് രോഗം സ്ഥിരീകരിച്ചവരുടെ ജില്ല തിരിച്ചുള്ള കണക്ക്. തിരുവനന്തപുരം 101 കൊല്ലം 54 പത്തനംതിട്ട 81 ആലപ്പുഴ 49കോട്ടയം 74 ഇടുക്കി 96 എറണാകുളം 151 തൃശ്ശൂര് 12 പാലക്കാട് 63 മലപ്പുറം 24 കോഴിക്കോട് 66 വയനാട് 21 കണ്ണൂര് 108 കാസര്കോട് 68 എന്നിങ്ങനെയാണ് രോഗമുക്തി നേടിയവരുടെ ജില്ല തിരിച്ചുള്ള കണക്ക്.
സംസ്ഥാനത്ത് 156767 പേരാണ് കൊവിഡ് നിരീക്ഷണത്തിലുള്ളത്. 9371 പേര് നിലവില് ചികിത്സയിലുണ്ട്. ഇതുവരെ 3,03,838 സാമ്പിളുകള് പരിശോധനയ്ക്ക് അയച്ചുവെന്നും മുഖ്യമന്ത്രി പറഞ്ഞു. ഹോട്ട്സ്പോട്ടുകളുടെ എണ്ണം 453 ആയി ഉയര്ന്നു.
Discussion about this post