മിക്ക ബൈക്കുകളുടേയും ചിത്രത്തിന് നമുക്ക് കാണാം അലസമായി പാറിക്കളിക്കുന്ന പല വര്ണങ്ങളിലുള്ള ഒരു ഫ്ളാഗ്. ഇത് തങ്ങളുടെ വാഹനത്തില് വാങ്ങിച്ച് കെട്ടുന്നവരുണ്ട്. യാത്രകള് ഇഷ്ടപ്പെടുന്നവരും ട്രാവലിന്റെ അടയാളമായും ഇത് ഉപയോഗിക്കുന്നുണ്ട്. എന്നാല് ഇത് എന്താണെന്നോ ഇതിന്റെ അര്ത്ഥം എന്താണെന്നോ പലര്ക്കും അറിയില്ല.
ഈ ഫ്ളാഗ് യാത്ര പോകുമ്പോള് ഒരു സ്റ്റൈലിന് കെട്ടുന്ന ഒന്നല്ല. ബുദ്ധമതസ്തര്ക്കിടയിലെ ഏറ്റവും പരിപാവനമായ ‘ഓം മണി പദ്മേ ഹും’ എന്ന മന്ത്രമാണിത്. ദലൈലാമയോടുള്ള ഭക്തിസൂചകമായും ഭക്തര് ഈ മന്ത്രം ഉരുവിടാറുണ്ട്. ടിബറ്റന് ലിപിയിലാണ് ഇതിലെ ഓരോ മന്ത്രവും എഴുതിയിരിക്കുന്നത്. ശുഭകരമായിരിക്കട്ടെ എന്നതാണ് ഇതിന്റെ അര്ത്ഥം. ഒപ്പം ഇതിലെ ഓരോ അക്ഷരവും നിറവും ഓരോ കാര്യങ്ങളെയാണ് സൂചിപ്പിക്കുന്നത്.
മന്ത്രത്തിലെ ഓം എന്നത് മാഹാത്മ്യത്തേയാണ് സൂചിപ്പിക്കുന്നത്. ഗര്വ്, അഹംഭാവം എന്നിവയില് നിന്ന് മോചനം നേടുന്നു എന്നാണ് വിശ്വാസം. വെള്ളയാണ് നിറം. മ എന്നത് നീതിയാണ്. അസൂയ, ലൗകികാകാംക്ഷ എന്നിവയില് മോചനം നേടാന് സഹായിക്കുന്ന ഇതിന്റെ നിറം പച്ചയാണ്. സഹനശീലത്തേയാണ് ണി സൂചിപ്പിക്കുന്നത്. അത്യാസക്തി, തൃഷ്ണ എന്നിവയില് നിന്ന് മോചനം പ്രാപിക്കുന്നു എന്ന് വിശ്വാസം. മഞ്ഞയാണ് നിറം.
പദ് എന്നാല് ജാഗ്രതയും പരിശ്രമവുമാണ്. നിറം നീല. അജ്ഞത, ദുരാഗ്രഹം തുടങ്ങിയവയില് നിന്നാണ് മോചനം നേടുന്നത്. മേ എന്നാല് നിരാകരണമാണ്. മോചനം നേടുന്നതാകട്ടെ ദാരിദ്ര്യത്തില് നിന്നും അധീനതയില് നിന്നുമാണ്. ചുവപ്പാണ് നിറം. അവസാന അക്ഷരമായ ഹും സൂചിപ്പിക്കുന്നത് ജ്ഞാനത്തേയാണ്. പ്രകോപനം, വൈരാഗ്യം എന്നിവയില് നിന്നും മോചനം തരുന്നു. കറുപ്പാണ് നിറം.
മണിപദ്മേ എന്ന വാക്കിന് താമരയിലെ രത്നത്തെ എന്നൊരര്ത്ഥം കൂടി കല്പ്പിക്കുന്നുണ്ട്. എല്ലാ ബുദ്ധന്മാരുടേയും കാരുണ്യത്തിന്റെ മൂര്ത്തീഭാവമായ ബോധിസത്വമായ അവലോകിതേശ്വരന്റെ മറ്റൊരു വിശേഷണം കൂടിയാണിത്. ഈ ഫ്ളാഗ് നിലത്തുവയ്ക്കുന്നത് അതിനോടുള്ള അനാദരവായിണ് കണക്കാക്കപ്പെടുന്നത്.
Discussion about this post