പുതിയ ഫീച്ചര് അവതരിപ്പിക്കാനൊരുങ്ങി വാട്സ്ആപ്പ്. ‘റാങ്കിംഗ്’ എന്നാണ് പുത്തന് ഫീച്ചറിന്റെ പേര്. റിപ്പോര്ട്ടനുസരിച്ച് ഏറ്റവുമധികം ചാറ്റ് ചെയ്തയാളുടെ സ്റ്റാറ്റസ് ഏറ്റവും ആദ്യം കാണാനാകുമെന്നാതാണ് റാങ്കിംഗ് ഫീച്ചറിന്റെ സവിശേഷത. ഐഓഎസ് ബീറ്റാ ഉപയോക്താക്കള്ക്കാണ് നിലവില് ഈ ഫീച്ചര് ലഭ്യമാകുക. അധികം താമസിക്കാതെ തന്നെ ആന്ഡ്രോയിഡ് പതിപ്പുകളിലും ഫീച്ചര് ലഭ്യമാകുമെന്നാണ് റിപ്പോര്ട്ട്.
വാട്സ്ആപ്പ് ഉപയോക്താവ് ഏറ്റവും കൂടുതല് തവണ ആരോടാണോ ചാറ്റ് ചെയ്തത് ആ കോണ്ടാക്ടിനെ കൂടുതല് ലൈവായി നിര്ത്തുകയാണ് ഈ ഫീച്ചറിലുടെ വാട്സ്ആപ്പ് ലക്ഷ്യമിടുന്നത്. കൂടുതല് ചാറ്റ് ചെയ്ത സുഹൃത്ത് അപ്ഡേറ്റ് ചെയ്യുന്ന സ്റ്റാറ്റസും മറ്റ് അപ്ഡേഷനുമെല്ലാം വാട്സ്ആപ്പ് നിങ്ങളെ പ്രത്യേകമായി അറിയിക്കും.
ഇതിനായിട്ടുള്ള പ്രയോറിറ്റി വാട്സ്ആപ്പ് തന്നെ നിശ്ചയിക്കും. വീഡിയോ, ചിത്രങ്ങള് എന്നിവ ഏറ്റവും കൂടുതല് അയച്ചാലാണ് പ്രയോറിറ്റി വര്ദ്ധിക്കുക. വാട്സ്ആപ്പ് കോളിംഗ് കൂടുതല് വിളിക്കുന്നതും പ്രയോറിറ്റി കൂടാന് സഹായിക്കുമെന്നാണ് റിപ്പോര്ട്ടില് വ്യക്തമാക്കുന്നത്.
കഴിഞ്ഞ ദിവസമാണ് ഡാര്ക്ക് മോഡ് എന്നൊരു ഫീച്ചര് കമ്പനി അവതരിപ്പിക്കാനൊരുങ്ങുന്നുവെന്ന വാര്ത്തകള് വന്നത്. പുതിയ ഫീച്ചര് എല്ലാവരിലേക്കും ഉടന് എത്തുമെന്നും റിപ്പോര്ട്ടില് പറയുന്നു. വെളുത്ത നിറത്തിലുള്ള യൂസര് ഇന്റര്ഫേസില് മാത്രമേ വാട്സ്ആപ്പ് ഇപ്പോള് ലഭ്യമാവുകയുള്ളൂ.
കറുത്ത നിറമുള്ള ബാക്ക് ഗ്രൗണ്ടില് അക്ഷരങ്ങള് കൂടുതല് വലിപ്പത്തില് എഴുതി കാണിക്കുന്നതാണ് ഡാര്ക്ക് മോഡ്. ഇതുവരെ യൂസര് ഇന്റര്ഫേസില് കാര്യമായ മാറ്റങ്ങള് ഒന്നും തന്നെ വാട്സ്ആപ്പ് നടത്തിയിട്ടില്ല. ചാറ്റ് വിന്ഡോയിലെ വാള്പേപ്പര് മാറ്റാന് മാത്രമാണ് വാട്സ്ആപ്പ് അവസരം നല്കിയിരിക്കുന്നത്.
ട്വിറ്റര്, യുട്യൂബ്, ഗൂഗിള് മാപ്സ് പോലുള്ള ആപ്പുകള് ഡാര്ക് മോഡ് നേരത്തെ അവതരിപ്പിച്ചിരുന്നു. ഗൂഗിളിന്റെ വീഡിയോ ഷെയറിംഗ് ആപ്പായ യൂട്യൂബിന്റെ ആന്ഡ്രോയിഡ് പതിപ്പിലും അടുത്തിടെ ഡാര്ക്ക് മോഡ് ലഭ്യമാക്കിയിരുന്നു. ഡെസ്ക് ടോപ്പ് പതിപ്പില് ഒരു വര്ഷം മുമ്പ് അവതരിപ്പിച്ച ഡാര്ക്ക് മോഡ് സൗകര്യം ആപ്പിള് ഐഓഎസ് ഉപകരണങ്ങളില് നേരത്തെ തന്നെ ലഭ്യമായിരുന്നു. ഫേസ്ബുക്കിന്റെ മെസഞ്ചറില് സേവനം അവതരിപ്പിക്കുമെന്ന് കമ്പനി പ്രഖ്യാപിച്ചിരുന്നു. വെളിച്ചം കുറവുള്ള സ്ഥലങ്ങളില് ആപ് ഉപയോഗിക്കുന്നതിന് കൂടുതല് സൗകര്യപ്രദമാണ് ഡാര്ക്ക് മോഡ്.
Discussion about this post