മെല്ബണ്: ഓസ്ട്രേലിയയെ ബോക്സിങ് ഡേ ടെസ്റ്റില് നാണംകെടുത്തുന്ന തോല്വിയിലേക്ക് തള്ളിയിട്ട് ഇന്ത്യ ആരാധകര്ക്ക് സമ്മാനിച്ചത് കിടിലന് പുതുവത്സര സമ്മാനം. മെല്ബണ് ടെസ്റ്റില് 137 റണ്സിനാണ് ഇന്ത്യ വിജയിച്ചത്. മത്സരത്തിന്റെ അഞ്ചാം ദിനം ആരംഭിക്കുമ്പോള് വിജയത്തിലേക്ക് ഓസീസിനു മൂന്നില് 141 റണ്സിന്റെയും ഇന്ത്യയ്ക്ക് മുന്നില് രണ്ടേ രണ്ട് വിക്കറ്റുകളുടെയും ദൂരമായിരുന്നു ഉണ്ടായിരുന്നത്.
ടെസ്റ്റില് 150 വിജയം എന്ന ചരിത്ര മുഹൂര്ത്തവും ഇതോടെ ഇന്ത്യ സ്വന്തമാക്കി. ഈ നേട്ടം കൊയ്യുന്ന ടെസ്റ്റിലെ അഞ്ചാമത്തെ ടീമായി ഇന്ത്യ മാറി. ടീം 137 റണ്സ് വിജയം സ്വന്തമാക്കിയതോടെ ഓസ്ട്രേലിയ, ഇംഗ്ലണ്ട്, വിന്ഡീസ്, ദക്ഷിണാഫ്രിക്ക എന്നിവരാണ് പട്ടികയിലെ മറ്റു ടീമുകള്. പരമ്പരയില് 2-1 ന്റെ ലീഡ് നേടിയിരിക്കുകയാണ് ഇന്ത്യ.
384 വിജയങ്ങളോടെ ഓസ്ട്രേലിയ ഒന്നാം സ്ഥാനത്ത് നില്ക്കുമ്പോള് ഇംഗ്ലണ്ടിനു 364 ടെസ്റ്റുകളില് വിജയം നേടാന് സാധിച്ചിട്ടുണ്ട്. വിന്ഡീസ് 171 മത്സരങ്ങളിലും ദക്ഷിണാഫ്രിക്ക 162 മത്സരങ്ങളിലും വിജയം കുറിച്ചു.
Discussion about this post