ഗുവാഹത്തി: ഐഎസ്എല്ലില്‍ അസമാവോ ഗ്യാന്റെ ഗോളില്‍ നോര്‍ത്ത് ഈസ്റ്റിന് വിജയം. ഒഡീഷ എഫ്സിയെ ഒന്നിനെതിരെ രണ്ടു ഗോളുകള്‍ക്കാണ് നോര്‍ത്ത് ഈസ്റ്റ് മറികടന്നത്.
ഈ സീസണിലെ ഏറ്റവും വേഗമേറിയ ഗോള്‍ നേടിയ റദീം തലാംഗ് ആണ് നോര്‍ത്ത് ഈസ്റ്റിനെ ആദ്യം മുന്നിലെത്തിക്കുന്നത്. രണ്ടാം മിനിറ്റിലായിരുന്നു തലാംഗിന്റെ ഗോള്‍. 71-ാം മിനിറ്റില്‍ ക്‌സിസ്‌കോ ഹെര്‍ണ്ടസിലൂടെ ഒഡിഷ സമനില പിടിച്ചു.
എന്നാല്‍ കളി അവസാനിക്കാന്‍ ആറ് മിനിറ്റ് മാത്രം ബാക്കിയിരിക്കെ ഹെഡറിലൂടെ ഗ്യാന്‍ നോര്‍ത്ത് ഈസ്റ്റിന്റെ വിജയ ഗോള്‍ കണ്ടെത്തി. വിജയത്തോടെ നോര്‍ത്ത് ഈസ്റ്റ് പോയന്റ് പട്ടികയില്‍ ഒന്നാം സ്ഥാനത്തേക്ക് കയറി. ഒഡിഷ തുടര്‍ച്ചയായ രണ്ടാം തവണയും പരാജയം അറിഞ്ഞു.
Discussion about this post