ദുബായില് ഏഷ്യാ കപ്പ് മത്സരത്തിനിടെ ഗ്യാലറിയിലിരുന്ന് പാക് പതാക പുതച്ചു കൊണ്ട് ജനഗണമന പാടിയ ആദിലിന്റെ വീഡിയോ വൈറലായിരുന്നു. അന്ന് ലോകം മുഴുവന് പാകിസ്താന് പൗരനായ ആദിലിനെ വാഴ്ത്തി. ക്രിക്കറ്റ് പ്രേമിയായ ആദില് മാസങ്ങള്ക്ക് ശേഷം ഒരു അഭ്യര്ത്ഥന വീഡിയോയിലൂടെ രംഗത്ത് വന്നിരിക്കുകയാണ്.
പുല്വാമ ഭീകരാക്രമണത്തിന്റെ പശ്ചാത്തലത്തില് പാകിസ്താനെതിരായ മത്സരം ബഹിഷ്കരിക്കണമെന്ന ആവശ്യവുമായി ഹര്ഭജസിങ്ങും സൗരവ് ഗാംഗുലിയുമുള്പ്പെടെയുള്ള ധാരാളം ആളുകള് രംഗത്ത് വന്നിരുന്നു. ബഹിഷ്കരണ തീരുമാനം പുന:പരിശോധിക്കണമെന്നാണ് ആദിലിന്റെ അഭ്യര്ത്ഥന. വാര്ത്താ ഏജന്സിയായ എഎന്ഐയാണ് വീഡിയോ പുറത്ത് വിട്ടിരിക്കുന്നത്.
‘പുല്വാമ അക്രമത്തിന് ശേഷവും യുഎഇയിലെ ഇന്ത്യക്കാരും പാകിസ്താന്കാരും ഉഷ്മളമായ ബന്ധം കാത്തുസൂക്ഷിക്കുന്നുണ്ട്. പാക് താരങ്ങളോട് ചോദിച്ചാല് അറിയാം… അവരുടെ ഹൃദയത്തില് ഇന്ത്യയ്ക്ക് എത്രമാത്രം വലിയ സ്ഥാനമുണ്ടെന്ന്. ഷാഹിദ് അഫ്രീദിയും ഷൊയ്ബ് അക്തറുമെല്ലാം പലവട്ടം പരസ്യമായി പറഞ്ഞിട്ടുണ്ട് അവര്ക്ക് പാകിസ്താനേക്കാള് ഇന്ത്യയെയാണ് ഇഷ്ടമെന്ന്. ക്രിക്കറ്റ് കളിക്കാരും ആരാധകരും ഇത്തരത്തിലുള്ള ബന്ധം കാത്തു സൂക്ഷിക്കുന്നവരാണെന്ന്’ ആദില് വീഡിയോയില് പറയുന്നു.
മത്സരം ബഹിഷ്കരിക്കണമെന്ന ആവശ്യം നല്ല കാര്യമല്ലയെന്നും ആദില് അഭിപ്രായപ്പെട്ടു.ഇരു രാജ്യങ്ങളും പ്രശ്നങ്ങള് ഒരു മേശയ്ക്ക് ചുറ്റുമിരുന്ന് ചര്ച്ച ചെയ്ത് പരിഹരിക്കുകയാണ് വേണ്ടതെന്ന് ആദില് പറഞ്ഞു. ദയവു ചെയ്ത് ഈ മത്സരം ബഹിഷ്കരിക്കരുത്. ഇത് എല്ലാവരും കാത്തിരിക്കുന്ന ഒരു മത്സരമാണെന്നും യുവാവ് കൂട്ടിച്ചേര്ത്തു.
#WATCH: Pakistani cricket fan Adil Taj who sang the Indian national anthem during Indo-Pak Asia Cup match in 2018 on India-Pak clash in World Cup 2019. pic.twitter.com/j4lBrkALZJ
— ANI (@ANI) February 21, 2019
Discussion about this post