കൊച്ചി: ദുബായിയില് കനത്ത മഴ തുടരുകയാണ്. റോഡുകളെല്ലാം വെള്ളത്തിനടിയിലായിരിക്കുകയാണ്. മഴ തുടരുന്ന സാഹചര്യത്തില് നെടുമ്പാശേരിയില് നിന്നും കോഴിക്കോട് നിന്നും ദുബായിയിലേക്ക് പുറപ്പെടേണ്ട വിമാനങ്ങള് വൈകുന്നുവെന്നാണ് റിപ്പോര്ട്ടുകള്.
കഴിഞ്ഞ ദിവസം രാത്രി 10.20 ന് കൊച്ചിയില് നിന്നും ദുബൈയിലേക്ക് പുറപ്പെടേണ്ടിയിരുന്ന സ്പൈസ് ജെറ്റ് വിമാനം വിമാനം ഇതുവരെയും പുറപ്പെട്ടിട്ടില്ല. വിമാനം ഇന്ന് ഉച്ചക്ക് 12-15 ന് പുറപ്പെടുമെന്നാണ് അധികൃതര് അറിയിച്ചിരിക്കുന്നത്.
also read:വിധിയെഴുത്തിന് ഒരുങ്ങി രാജ്യം: 102 മണ്ഡലങ്ങളിലേക്കുള്ള തിരഞ്ഞെടുപ്പ് നാളെ
ദുബായിയിലേക്ക് രാവിലെ 10.30 ന് പുറപ്പെടേണ്ട എമിറേറ്റ് വിമാനം ഉച്ചക്ക് 12.30 ന് പുറപ്പെടുകയുള്ളൂവെന്ന് അധികൃതര് അറിയിച്ചു. കോഴിക്കോട് നിന്നും ദുബൈയിലേക്ക് ഇന്നലെ രാത്രി പുറപ്പെടേണ്ടിയിരുന്ന സ്പൈസ്ജെറ്റ് വിമാനവും പുറപ്പെട്ടിട്ടില്ല.
ഇന്ന് വൈകിട്ട് 5.05 ന് ദുബായിയില് നിന്നെത്തേണ്ട ഇന്ഡിഗോ വിമാനവും പുലര്ച്ചെ 2.45 ന് എത്തേണ്ട ഇന്ഡിഗോയുടെ ദോഹ വിമാനവും റദ്ദാക്കി. പുലര്ച്ചെ 3.15 ന് എത്തേണ്ടിയിരുന്ന എയര് അറേബ്യയുടെ ഷാര്ജ വിമാനവും റദ്ദാക്കി.
also read;നടന് മന്സൂര് അലിഖാന് തിരഞ്ഞെടുപ്പ് പ്രചാരണത്തിനിടെ കുഴഞ്ഞു വീണു
അതേസമയം, ദുബായ് എയര്പോര്ട്ട് ടെര്മിനല് വണ്ണിലേക്കുള്ള പ്രവേശനം യാത്ര ഉറപ്പായ യാത്രക്കാര്ക്ക് മാത്രമായി നിയന്ത്രണമേര്പ്പെടുത്തി.
Discussion about this post