ജിദ്ദ: നാട്ടില് വരാന് കഴിയാതെ പത്ത് വര്ഷത്തോളമായി പ്രവാസലോകത്ത് കുടുങ്ങിക്കിടക്കുന്ന മലയാളി ജിദ്ദയില് അന്തരിച്ചു. മലപ്പുറം സ്വദേശിയാണ് മരിച്ചത്. കൊണ്ടോട്ടി ഒളവട്ടൂര് കരടുകണ്ടം ചെറുകുന്നന് അബ്ദുല്കരീം ഹാജിയാണ് മരിച്ചത്.
അറുപത്തിയൊന്നു വയസ്സായിരുന്നു. സ്പോണ്സറുമായുള്ള തൊഴില്ത്തര്ക്കം മൂലം നിയമക്കുരുക്കില്പെട്ട് പത്ത്വര്ഷത്തോളമായി നാട്ടിലേക്കു പോകാന് സാധിച്ചിരുന്നില്ല. ജനിച്ച മണ്ണിലെത്താനുള്ള ആഗ്രഹം നടക്കാതെയാണ് അബ്ദുല് കരീം ഹാജി വിടവാങ്ങിയത്.
ഹൃദയാഘാതമാണ് മരണകാരണം. സന്നദ്ധ സംഘടനകളുടെ ഇടപെടലിനെത്തുടര്ന്ന് കേസ് ഒത്തുതീര്ന്ന് നാട്ടിലേക്കു പോകാനിരിക്കെ ഹൃദയാഘാതം സംഭവിക്കുകയായിരുന്നു.
ഭാര്യ: ഖദീജ. മക്കള്: മുഹമ്മദ് അഷ്റഫ്, മുഹമ്മദ് സുഹൈല്, നജീബ, ഫിന്സിയ, റോഷ്ന ഷെറിന്. മരുമകന് ബാസില് (ജിദ്ദ).
Discussion about this post