ഒമാന്: സലാലക്ക് സമീപം മിര്ബാതിലുണ്ടായ വാഹനാപകടത്തില് മൂന്ന് മലയാളികള് മരിച്ചു. ഒരാള്ക്ക് പരുക്കേറ്റു. മലപ്പുറം പള്ളിക്കല് ബസാര് കക്കാട് സ്വദേശികളാണ് അപകടത്തില് പെട്ടത്.
സലാം, അസൈനാര്, പരിത്തിക്കാട് ഇകെ അശ്റഫ് ഹാജി എന്നിവരാണ് മരിച്ചത്.
രണ്ടു പേര് സന്ദര്ശന വിസയില് സലാലയിലെത്തിയവരായിരുന്നു.
മൃതദേഹങ്ങള് സലാല ഖബൂസ് ആശുപത്രിയില് സൂക്ഷിച്ചിരിക്കുകയാണ്.
അപകടത്തില് പരുക്കേറ്റ ഉമ്മര്കോയയെ ഖാബൂസ് ആശുപത്രിയില് പ്രവേശിപ്പിച്ചു. സന്ദര്ശക വീസയില് എത്തിയ സുഹൃത്തുക്കളായ അസൈനാര്, അഷ്റഫ്, ഉമ്മര്കോയ എന്നിവരുമായി സലാം യാത്രപോകുമ്പോള് ഇന്നലെ പുലര്ച്ചെ രണ്ടരയോടെയായിരുന്നു അപകടം.
ഇവരുടെ കാര് ഡിവൈഡറില് ഇടിച്ചു കത്തുകയായിരുന്നു. സലാലയില് കോഫിഷോപ്പ് നടത്തുന്ന സലാമാണ് വാഹനം ഓടിച്ചിരുന്നത്. മൂന്നുപേരും സംഭവസ്ഥലത്തു തന്നെ മരിച്ചതായാണു വിവരം.
വിനോദസഞ്ചാരകേന്ദ്രമായ സലാലയിലെ വിവിധ പ്രദേശങ്ങള് സന്ദര്ശിച്ചുവരികയായിരുന്നു. പോസ്റ്റ്മോര്ട്ടത്തിനു ശേഷം തുടര്നടപടിക്രമങ്ങള് തീരുമാനിക്കുമെന്നു സാമൂഹിക പ്രവര്ത്തകള് പറഞ്ഞു.
Discussion about this post