ദുബായ്: ഗള്ഫ് രാജ്യങ്ങളില് കൊവിഡ് 19 വൈറസ് ബാധിതരുടെ എണ്ണം 31,459 ആയി. വൈറസ് ബാധമൂലം 190 പേരാണ് ഇതിനോടകം മരിച്ചത്. ഏറ്റവും കൂടുതല് വൈറസ് ബാധിതരുള്ളത് സൗദിയില് ആണ്. സൗദിയില് 11,631 പേര്ക്കാണ് ഇതുവരെ രോഗം സ്ഥിരീകരിച്ചത്. കഴിഞ്ഞ ദിവസം വൈറസ് ബാധമൂലം ആറുപേര് കൂടി മരിച്ചതോടെ രാജ്യത്തെ മരണ സംഖ്യ 109 ആയി ഉയര്ന്നു.
യുഎഇ-7755, ഖത്തര്-6533, കുവൈത്ത്-2080, ബഹ്റൈന്-1952, ഒമാന് -1508 എന്നിങ്ങനെയാണ് മറ്റ് ഗള്ഫ് രാജ്യങ്ങളിലെ വൈറസ് ബാധിതരുടെ എണ്ണം. അതേസമയം കൊവിഡ് 19 പ്രതിസന്ധിയുടെ ഭാഗമായി യുഎഇയിലെ സ്വകാര്യ മേഖലയില് തൊഴില് നഷ്ടമാവുന്നവവര്ക്ക് താല്ക്കാലിക വര്ക്ക് പെര്മിറ്റ് അനുവദിക്കുമെന്ന് മാനവവിഭവശേഷി സ്വദേശിവല്ക്കരണ മന്ത്രാലയം അറിയിച്ചു. മൂന്ന് മാസമോ ആറ് മാസമോ കാലാവധിയുള്ള വര്ക്ക് പെര്മിറ്റ് അനുവദിക്കുമെന്നാണ് അറിയിപ്പ്.
അതേസമയം യുഎഇയ്ക്കും കുവൈറ്റിനും പിന്നാലെ സൗദിയും രാജ്യത്ത് വൈറസ് ബാധമൂലം കുടുങ്ങിയ വിദേശികളെ നാട്ടിലെത്തിക്കാന് പ്രത്യേക വിമാന സര്വീസ് തുടങ്ങി. എന്നാല് കേന്ദ്ര സര്ക്കാറിന്റെ അനുമതി ലഭിക്കാത്തതിനാല് ഇന്ത്യക്കാരെ നാട്ടിലെത്തിക്കുവാനുള്ള സര്വ്വീസ് ആരംഭിച്ചിട്ടില്ല.
Discussion about this post