കുവൈറ്റ് സിറ്റി: കോവിഡ് 19 ഭീതിയെ തുടർന്ന് പൊതുഅവധി പ്രഖ്യാപിക്കുകയും കർശ്ശനമായ സുരക്ഷാ മുൻകരുതലുകൾ സ്വീകരിക്കുകയും ചെയ്ത കുവൈറ്റിൽ വീണ്ടും കൊറോണ വൈറസ് ബാധ തിരിച്ചറിഞ്ഞു. കുവൈറ്റിൽ ഒരു ഇന്ത്യക്കാരന് കോവിഡ് 19 സ്ഥിരീകരിച്ചു. ഇതാദ്യമായാണ് ഇന്ത്യക്കാരന് കുവൈറ്റിൽ വെച്ച് രോഗബാധ ഉണ്ടാകുന്നത്. ഇതോടെ പ്രവാസികൾക്കും ആശങ്ക ഏറിയിരിക്കുകയാണ്.
ശനിയാഴ്ച കോവിഡ് സ്ഥിരീകരിച്ച നാലുപേരിൽ ഒരാൾ ഇയാളെന്നാണ് വിവരം. അസർബൈജാനിൽനിന്ന് വന്ന ഈജിപ്ത് പൗരനുമായി ബന്ധം പുലർത്തിയ ഇന്ത്യക്കാരനാണ് രോഗം സ്ഥിരീകരിച്ചിരിക്കുന്നത്. ശനിയാഴ്ച രോഗം സ്ഥിരീകരിച്ച മറ്റു മൂന്നുപേർ കുവൈറ്റികളാണ്. രണ്ടുപേർ ബ്രിട്ടനിൽനിന്ന് വന്നവരും ഒരാൾ ഖത്തർ, ഫ്രാൻസ് എന്നീ രാജ്യങ്ങൾ സന്ദർശിച്ച കുവൈറ്റി വനിതയുമാണ്.
Discussion about this post