തിരുവനന്തപുരം: ബിജെപി സംസ്ഥാന ഭാരവാഹികളെ പ്രഖ്യാപിച്ചു. എം ടി രമേശ്, ശോഭാ സുരേന്ദ്രന്, അഡ്വ. എസ് സുരേഷ്, അനൂപ് ആന്റണി എന്നിവര് ജനറല് സെക്രട്ടറിമാരാകും. ജനറല് സെക്രട്ടറിമാരില് വി മുരളീധരന് പക്ഷത്ത് നിന്നും ആരുമില്ലെന്നത് ശ്രദ്ധേയമാണ്.
ഷോണ് ജോര്ജ്, മുന് ഡിജിപി ആര് ശ്രീലേഖ, ഡോ.കെ എസ് രാധാകൃഷ്ണന്, സി സദാനന്ദന്, അഡ്വ. പി സുധീര്, സി കൃഷ്ണകുമാര്, അഡ്വ. ബി ഗോപാലകൃഷ്ണന്, ഡോ.അബ്ദുള് സലാം, കെ. സോമന്, അഡ്വ.കെ കെ അനീഷ്കുമാര് എന്നിവരാണ് വൈസ് പ്രസിഡന്റുമാര്. അഡ്വ. ഇ കൃഷ്ണദാസാണ് ട്രഷറര്. സി കൃഷ്ണകുമാറിനും വൈസ് പ്രസിഡന്റ് പദവി നല്കി.
രാജീവ് ചന്ദ്രശേഖര് ബിജെപിയുടെ സംസ്ഥാന അധ്യക്ഷനായി വന്നശേഷം ഈയടുത്ത് ബിജെപിയില് ഉരുത്തിരിഞ്ഞ സമവാക്യങ്ങള് പി കെ കൃഷ്ണദാസ് പക്ഷത്തിന് അനുകൂലമാണെന്ന് പരക്കെ വിലയിരുത്തലുകള് ഉണ്ടായിരുന്നു. തൃശ്ശൂരില് ചേര്ന്ന സംസ്ഥാന നേതൃയോഗത്തില് വി മുരളീധരനേയും കെ സുരേന്ദ്രനേയും ക്ഷണിക്കാത്തതും പാര്ട്ടിയ്ക്കുള്ളില് ആഭ്യന്തര പ്രശ്നങ്ങള്ക്ക് തിരികൊളുത്തിയിരുന്നു. ഇതിന് പിന്നാലെയാണ് മുരളീധരന് പക്ഷത്തെ വെട്ടിയൊതുക്കിക്കൊണ്ടുള്ള ഒരു ഭാരവാഹി പട്ടിക പുറത്തെത്തിയിരിക്കുന്നത്.
Discussion about this post