ന്യുസിലാന്ഡ്: ലോകത്തെ ഏറ്റവും പ്രായം കുറഞ്ഞ പ്രധാനമന്ത്രിയായി മാതൃകാപരമായ ഭരണത്തിലൂടെ ലോകത്തിന്റെ കൈയ്യടികള് ഏറ്റുവാങ്ങിയ ന്യുസിലാന്ഡ് പ്രധാനമന്ത്രി ജസീന്ത ആര്ഡന് രാജി വയ്ക്കുന്നു. രാജി അടുത്ത മാസം ഉണ്ടാകുമെന്ന് ജസീന്ത തന്നെയാണ് പ്രഖ്യാപിച്ചത്.
ന്യുസിലാന്ഡില് ഒക്ടോബര് 14ന് തെരഞ്ഞെടുപ്പ് നടക്കാനിരിക്കുമ്പോഴാണ് ജസീന്ത ആര്ഡന്റെ രാജി പ്രഖ്യാപനം. ഒരു തെരഞ്ഞെടുപ്പിനെ കൂടി നേരിടാന് തനിക്ക് ഊര്ജമില്ലെന്നും പ്രധാനമന്ത്രി പദം തന്നില് നിന്നും പലതും എടുത്ത് കളഞ്ഞെന്നും വിശദീകരിച്ചുകൊണ്ടാണ് ജസീന്തയുടെ രാജി പ്രഖ്യാപനം.
ലേബര് പാര്ട്ടിയുടെ നേതൃപദവി സ്ഥാനവും ജസീന്ത ആര്ഡന് ഒഴിയുമെന്ന് വ്യക്തമാക്കിയിട്ടുണ്ട്. ഭാവി പരിപാടികളൊന്നും തീരുമാനിച്ചിട്ടില്ലെന്നും കുടുംബത്തോടൊപ്പം കൂടുതല് സമയം ചെലവഴിക്കാന് മാത്രമാണ് നിലവില് ആഗ്രഹിക്കുന്നതെന്നും ജസീന്ത പറഞ്ഞു.
2017ല് ന്യുസിലാന്ഡ് പ്രധാനമന്ത്രിയായി തെരഞ്ഞെടുക്കുമ്പോള് അന്ന് 37 വയസുകാരിയായിരുന്നു ജസീന്ത. ഏറ്റവും പ്രായം കുറഞ്ഞ പ്രധാനമന്ത്രിയെന്ന റെക്കോര്ഡ് കൂടിയായിരുന്നു. അധികാരത്തിലിരിക്കെ തന്നെ അമ്മയാകുന്ന രണ്ടാമത്തെ ലോകനേതാവും ജെസീന്തയായിരുന്നു.
കൊവിഡ് പ്രതിരോധത്തിലെ മികവ്, ക്രൈസ്റ്റ് ചര്ച്ചില് വെടിവയ്പ്പിനോടുള്ള പ്രതികരണം, വൈറ്റ് ഐലന്ഡ് അഗ്നിപര്വത സ്ഫോടനത്തെ കൈകാര്യം ചെയ്ത രീതി മുതലായവയിലൂടെ ജെസീന്ത പലതവണ ലോകത്തിന്റെയാകെ പ്രശംസ നേടി. രാജ്യത്തെ സമാധാനത്തിലേക്ക് നയിക്കുക എന്നതാണ് ഏറെ പ്രധാനമെന്ന് ഉറച്ചുവിശ്വസിച്ച നേതാവായിരുന്നു ജെസീന്ത. ക്രൈസ്റ്റ്ചര്ച്ചില് മുസ്ലീം പള്ളിയിലുണ്ടായ വെടിവയ്പ്പില് മരിച്ചവരുടെ കുടുംബങ്ങളെ സന്ദര്ശിക്കുമ്പോള് ജസീന്ത ഹിജാബ് ധരിച്ചെത്തിയതും വലിയ മാധ്യമശ്രദ്ധ നേടിയിരുന്നു.
Discussion about this post