ബ്രോംലി: ഒരു പട്ടിക്ക് സ്കൂളില് എന്താണ് കാര്യമെന്ന് ബിക്ക്ലി പാര്ക് സ്കൂളിലെ പ്രധാനാധ്യാപകനായ പാട്രിക് വെന്നത്തോട് ചോദിച്ചാല് അദ്ദേഹം പറയും അവിടെ മറ്റാരേക്കാളും സെല്ക്കിക്ക് കാര്യമുണ്ടെന്ന്. സെല്ക്കി ഒരു പ്രത്യേകതരം പട്ടിയാണ്. ബിക്ക്ലി പാര്ക് സ്കൂളിലെ തെറാപ്പിസ്റ്റായി മാറിയിരിക്കുകയാണ് സെല്ക്കി
കുട്ടികള്ക്ക് നായകളോടുള്ള പേടിയെ അകറ്റാനാണ് സെല്ക്കിയെ സ്കൂളില് നിര്ത്തുന്നതെന്നാണ് പാട്രിക് വെന്നം പറയുന്നത്. ‘പട്ടികള് മനുഷ്യരുടെ അടുത്ത സുഹൃത്തുക്കളാണ്. പക്ഷെ, പട്ടികളോട് വല്ലാത്ത ഭയമുള്ള മനുഷ്യരുണ്ട്. അവരുടെ ജീവിതം ബുദ്ധിമുട്ടായിരിക്കും. സെല്ക്കി സ്കൂളിലെ അന്തരീക്ഷവുമായി വളരെ യോജിച്ചു നില്ക്കുന്നു. പട്ടികളോടുള്ള ഭയം മാറ്റാന് അവരെ സഹായിക്കുന്നു.
പഠനങ്ങള് തെളിയിക്കുന്നത്, മൃഗങ്ങള് നമ്മുടെ മൂഡിനെ പോസിറ്റീവായി ബാധിക്കുമെന്നാണ്. അത് നമ്മളെ റിലാക്സായിരിക്കാന് സഹായിക്കും. സെല്ക്കി വളരെ മൃദുവായ സ്വഭാവമുള്ള പട്ടിയാണ്. ഒരു തെറാപിസ്റ്റിന്റെ റോള് അവള് നന്നായി ചെയ്യും. അവള്ക്ക് കഴിയും പോലെയെല്ലാം അവള് കുഞ്ഞുങ്ങളെ സഹായിക്കുന്നുവെന്ന് പാട്രിക് പറയുന്നു.’
സ്കൂളിലെ അലക്സ് എന്ന വിദ്യാര്ത്ഥി പറയുന്നു, അവന് നേരത്തെ പട്ടികളെയെല്ലാം ഭയമായിരുന്നു. അവന്റെ ഈ അവസ്ഥ ഏറ്റവും ഭീകരമായ അവസ്ഥയിലായിരുന്നു. എല്ലാത്തരം പട്ടികളേയും പേടി. പക്ഷെ, സെല്ക്കിയുടെ സാന്നിധ്യം പതിയെ പതിയെ അലക്സിന്റെ ഈ ഫോബിയ മാറ്റിയെടുത്തു. ഇന്നവര് നല്ലസുഹൃത്തുക്കളാണ്
സ്ക്കൂളിലെ വിദ്യാര്ത്ഥിയായ ചാര്ലി എന്ന കുട്ടിയുടെ അമ്മ കഴിഞ്ഞ വര്ഷം മരിച്ചുപോയി . അത് അവനെ വല്ലാതെ ബാധിച്ചിരുന്നു. സെല്ക്കിയുമായി ചാര്ലി സൗഹൃദത്തിലായി. അത് ചാര്ലിയുടെ വിഷാദത്തെ മാറ്റിയെടുക്കാന് സഹായകമായി.
Discussion about this post