കൊച്ചി: ലോക്സഭാ തെരഞ്ഞെടുപ്പില് കേരളത്തില് അക്കൗണ്ട് തുറക്കാന് കഴിയാത്തതിന്റെ കാരണം വ്യക്തമാക്കി ആലപ്പുഴയിലെ ബിജെപി സ്ഥാനാര്ത്ഥി കെഎസ് രാധാകൃഷ്ണന്. ലോക്സഭാ തെരഞ്ഞെടുപ്പില് കേരളത്തില് എവിടെയും ശബരിമല തരംഗം ഉണ്ടായില്ലെന്ന് കെഎസ് രാധാകൃഷ്ണന് പറഞ്ഞു.
തിരുവനന്തപുരത്തും പത്തനംതിട്ടയിലും പോലും ശബരിമല തരംഗം ഉണ്ടാക്കാന് കഴിഞ്ഞില്ല,.ശബരിമല സുവര്ണാവസരമെന്ന ശ്രീധരന്പിള്ളയുടെ പ്രയോഗം എന്ത് അര്ത്ഥത്തിലായിരുന്നു എന്ന് അറിയില്ലെന്നും
കെഎസ് രാധാകൃഷ്ണന് കൂട്ടിച്ചേര്ത്തു.
ശബരിമല വിഷയം തുടക്കം മുതല് പ്രചരണ വിഷയമാക്കാന് ബിജെപിക്ക് കഴിഞ്ഞിട്ടില്ലെന്നും കേരളത്തില് മോഡി വിരുദ്ധ ന്യൂനപക്ഷ ഏകീകരണം ഉണ്ടായെന്നും കെഎസ് രാധാകൃഷ്ണന് വ്യക്തമാക്കി.
രാജ്യത്ത് മോഡി തരംഗം ആഞ്ഞ് വീശിയിട്ടും കേരളത്തില് ബിജെപിക്ക് അക്കൗണ്ട് തുറക്കാന് കഴിഞ്ഞില്ല. ഇത് കനത്ത തിരിച്ചടിയായിരുന്നു. ശബരിമല സുവര്ണ്ണ അവസരമായി കണ്ട് വിഷയം ആളി കത്തിച്ചിട്ടും പത്തനംതിട്ടയില് പോലും പാര്ട്ടി മൂന്നാമത് പോയതും പാര്ട്ടിക്ക് കനത്ത തിരിച്ചടിയായിരുന്നു.
Discussion about this post