കോഴിക്കോട്: കോഴിക്കോട് നഗരത്തില് നടന് ദിലീപും നാദിര്ഷയും ചേര്ന്ന് തുടങ്ങിയ ‘ദേ പുട്ടില്’ നിന്നും പഴകിയ ഭക്ഷണ സാധനങ്ങള് പിടിച്ചെടുത്തു. പഴകിയതും ഭക്ഷ്യയോഗ്യമല്ലാത്തതുമായ കോഴിമാംസം, ഐസ് ക്രീം എന്നിവ ആരോഗ്യ വിഭാഗം പിടിച്ചെടുത്തു നശിപ്പിച്ചു.
കോഴിക്കോട് കോര്പ്പറേഷന്റെ ആരോഗ്യ വിഭാഗം, നഗരത്തിലെ വിവിധ ഹോട്ടലുകളില് നടത്തിയ പരിശോധനയ്ക്കിടയിലാണ് ദേ പുട്ടില് നിന്ന് പഴകിയ ഭക്ഷണം പിടിച്ചെടുത്തത്. ഇവിടെ നിന്നും വൃത്തിഹീനവുമായ സാഹചര്യത്തില് ഭക്ഷണം പാചകം ചെയ്യുന്നതായും വില്പന നടത്തുന്നതായും അധികൃതര് കണ്ടെത്തിയിട്ടുണ്ട്.
അതേസമയം, പൊതുജനാരോഗ്യ പ്രശ്നങ്ങള്ക്ക് കാരണമാകും വിധം പ്രവര്ത്തിക്കുന്ന സ്ഥാപനങ്ങള്ക്കെതിരെ കേരള മുനിസിപ്പല് ആക്ട് പ്രകാരം കര്ശന നടപടികള് സ്വീകരിക്കുമെന്ന് ഹെല്ത്ത് ഓഫീസര് ഡോ ആര്എസ് ഗോപകുമാര് അറിയിച്ചു.
പരിശോധനയില് ഹെല്ത്ത് സൂപ്പര്വൈസര് കെ ഗോപാലന്, ഹെല്ത്ത് ഇന്സ്പെക്ടര് കെ ദിലീപ് കുമാര്, ജൂനിയര് ഹെല്ത്ത് ഇന്സ്പെക്ടര് കെ ഷമീര് എന്നിവര് പങ്കെടുത്തു.
Discussion about this post