തിരുവനന്തപുരം: ലോക്സഭാ തെരഞ്ഞെടുപ്പിന്റെ അവസാനഘട്ട വോട്ടെടുപ്പ് പൂര്ത്തിയായ ശേഷം ദേശീയ, പ്രാദേശിക ചാനലുകളും ഏജന്സികളും എക്സിറ്റ് പോള് ഫലങ്ങള് ഇന്നലെ പുറത്ത് വിട്ടു കഴിഞ്ഞു. എന്നാല് എക്സിറ്റ്പോള് ഫലങ്ങള് തള്ളി രംഗത്ത് എത്തിയിരിക്കുകയാണ് ദേവസ്വം മന്ത്രി കടകംപള്ളി സുരേന്ദ്രന്. എക്സിറ്റ് പോള് ഫലങ്ങള് പോലെയാകില്ല യഥാര്ത്ഥ ഫലമെന്നായിരുന്നു അദ്ദേഹത്തിന്റെ പ്രതികരണം.
ശബരിമല വിഷയം തെരഞ്ഞെടുപ്പില് പ്രതിഫലിച്ചിട്ടുണ്ടെന്നും ശബരിമല വിഷയം സര്ക്കാരിനെതിരെ ഉപയോഗിക്കുന്നതില് വര്ഗീയ പാര്ട്ടികള് ഒരളവ് വരെ വിജയിച്ചെന്നും കടകംപള്ളി പറഞ്ഞു. ചെയ്യാത്ത കുറ്റം സര്ക്കാരിനുമേല് ചാര്ത്തി സര്ക്കാരിനെ പ്രതിക്കൂട്ടിലാക്കാന് വര്ഗീയകോമരങ്ങള്ക്ക് സാധിച്ചു.
അതില് ഒരളവ് വരെ അവര് വിജയിച്ചെന്നത് വാസ്തവമാണ്. അതേസമയം, ചിന്താശേഷിയുള്ള ജനങ്ങള് സംസ്ഥാന സര്ക്കാരിന്റെ കഴിഞ്ഞകാലത്തെ പ്രവര്ത്തനം വിലയിരുത്തിയിട്ടുണ്ടെന്നും അങ്ങനെയാണെങ്കില് ഈ സര്ക്കാരിനെതിരെ വോട്ട് ചെയ്തിട്ടുണ്ടാകില്ലെന്നും കടകംപള്ളി വിശദീകരിച്ചു.
Discussion about this post