കോഴിക്കോട്: കോഴിക്കോട് സ്വദേശി ദീപക് ജീവനൊടുക്കിയ സംഭവത്തില് പ്രതി ഷിംജിത റിമാന്ഡില്. കുന്നമംഗലം ഒന്നാം ക്ലാസ് മജിസ്ട്രേറ്റ് കോടതിയാണ് ഷിംജിത മുസ്തഫയെ റിമാന്ഡ് ചെയ്തത്. 14 ദിവസത്തേക്ക് ആണ് റിമാന്ഡ് ചെയ്തിരിക്കുന്നത്.
ഷിംജിതയെ മഞ്ചേരി ജയിലിലേക്ക് മാറ്റും. കോടതിയില് കനത്ത സുരക്ഷയാണ് പൊലീസ് ഏര്പ്പെടുത്തിയിരിക്കുന്നത്. ജാമ്യം നല്കണമെന്ന് ഷിംജിത കോടതിയില് ആവശ്യപ്പെട്ടു. റിപ്പോര്ട്ട് വരുമ്പോള് പരിഗണിക്കാമെന്നായിരുന്നു കോടതിയുടെ മറുപടി.
സംഭവത്തിന് പിന്നാലെ ഒളിവിലായിരുന്ന ഷിംജിതയെ വടകരയിലെ ബന്ധുവീട്ടില് നിന്നാണ് പൊലീസ് അറസ്റ്റ് ചെയ്തത്. ദീപക്കിന്റെ മാതാപിതാക്കളുടെ പരാതിയില് ആത്മഹത്യാപ്രേരണാക്കുറ്റം ചുമത്തി കേസെടുത്തതിന് പിന്നാലെ കേസെടുത്തതിന് പിന്നാലെ ഷിംജിത ഒളിവില് പോയിരുന്നു.
Discussion about this post