കോഴിക്കോട്: വരുന്ന നിയമസഭ തെരഞ്ഞെടുപ്പില് യുഡിഎഫിനോട് സി കെ ജാനുവിന്റെ ജനാധിപത്യ രാഷ്ട്രീയ പാര്ട്ടി രണ്ടു സീറ്റ് ആവശ്യപ്പെട്ടേക്കും. മാനന്തവാടി, ബാലുശ്ശേരി മണ്ഡലങ്ങളാണ് ലക്ഷ്യമിടുന്നത്.
സി ക ജാനു മാനന്തവാടിയില് മത്സരിച്ചേക്കുമെന്നും റിപ്പോര്ട്ടുണ്ട്. ജാനുവിന്റെ പാര്ട്ടിയെ അടുത്തിടെയാണ് യുഡിഎഫില് അസോസിയേറ്റ് അംഗമായി ഉള്പ്പെടുത്തിയത്.
തന്റെ പോരാട്ടവും രാഷ്ട്രീയ യാത്രയുമെല്ലാം ആരംഭിച്ചത് മാനന്തവാടിയില് നിന്നാണെന്നും സാമൂഹികമായും രാഷ്ട്രീയമായും തന്റെ അടിത്തറ മാനന്തവാടിയാണെന്നും ജാനു വ്യക്തമാക്കിയിരുന്നു.
മാനന്തവാടിയില് മത്സരിക്കാന് സന്നദ്ധയാണെന്ന് ജാനു യുഡിഎഫ് നേതാക്കളെ അറിയിച്ചിട്ടുണ്ട്. മാനന്തവാടിയിലെ നിലവിലെ രാഷ്ട്രീയ സാഹചര്യം യുഡിഎഫിന് അനുകൂലമാണ് എന്നാണ് വിലയിരുത്തൽ.
Discussion about this post