കണ്ണൂര്: സ്കൂള് കെട്ടിടത്തില് നിന്നും താഴേക്ക് ചാടിയ
വിദ്യാര്ഥിനി മരിച്ചു. കണ്ണൂര് ജില്ലയിലെ പയ്യാവൂരില് ആണ് സംഭവം. പയ്യാവൂര് സേക്രട്ട് ഹാര്ട്ട് ഹയര് സെക്കന്ഡറി സ്കൂളിലെ പ്ലസ് ടു വിദ്യാര്ത്ഥിനി അയോന മോണ്സണ് ആണ് മരിച്ചത്.
17 വയസ്സായിരുന്നു. കണ്ണൂരിലെ സ്വകാര്യ ആശുപത്രിയില് ചികിത്സയില് കഴിയുന്നതിനിടെയായിരുന്നു മരണം.കഴിഞ്ഞ തിങ്കളാഴ്ച രാവിലെ എട്ട് മണിയോടെയായിരുന്നു അപകടം.
ലാബ് മോഡല് പരീക്ഷ നടക്കാനിരിക്കെയായിരുന്നു അപകടം സംഭവിച്ചത്. കഴിഞ്ഞ കുറച്ചു ദിവസങ്ങളായി കുട്ടിയെ കുടുംബപരമായ പ്രശ്നങ്ങള് അലട്ടിയിരുന്നതായാണ് വിവരം.
ഗുരുതരമായി പരിക്കേറ്റ കുട്ടിയെ കണ്ണൂരിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും ചികിത്സയിയ്ക്കിടെ ഇന്ന് മരിക്കുകയായിരുന്നു. കുട്ടിയുടെ അവയവങ്ങള് ദാനം ചെയ്യും.
Discussion about this post