പത്തനംതിട്ട: ശബരിമലയിൽ കൊടിമരം മാറ്റിസ്ഥാപിച്ചതും ഇനി എസ്ഐടി അന്വേഷിക്കും. 2017ലാണ് ശബരിമലയില് കൊടിമരം മാറ്റിസ്ഥാപിച്ചത്. പ്രയാർ ഗോപാലകൃഷ്ണൻ പ്രസിഡൻ്റായിരുന്നപ്പോഴാണ് കൊടിമരം മാറ്റിയത്.
ഹൈക്കോടതി നിർദേശപ്രകാശം ഇക്കാര്യത്തിൽ എസ്ഐടിയും ദേവസ്വം വിജിലൻസും അന്വേഷണം ആരംഭിച്ചു.തന്ത്രി കണ്ഠര് രാജീവരുമായി ബന്ധപ്പെട്ട പലരില് നിന്നും എസ്ഐടി സംഘം മൊഴിയെടുത്തിരുന്നു.
അതിനിടെയാണ് കൊടിമരം മാറ്റിസ്ഥാപിച്ചത് സംബന്ധിച്ചുള്ള വിവരങ്ങള് എസ്ഐടിക്ക് ലഭ്യമായത്. ഈ സാഹചര്യത്തിലാണ് 2017ല് കൊടിമരം മാറ്റിസ്ഥാപിച്ചതുമായി ബന്ധപ്പെട്ട കാര്യങ്ങള് അന്വേഷണ പരിധിയിലേക്ക് കൊണ്ടുവരുന്നത്.
പഴയ കൊടിമരം ജീര്ണിച്ച അവസ്ഥയില് ആയതോടെയാണ് മാറ്റിസ്ഥാപിക്കുന്നത്. കൊടിമരത്തിലുണ്ടായിരുന്ന വാജി വാഹനത്തിനും അഷ്ടദിക്ക് പാലകന്മാര്ക്കും വര്ഷങ്ങളുടെ പഴക്കം ഉണ്ടായിരുന്നു. രാജാവിന് കാലഘട്ടത്തില് സമ്മാനം ലഭിച്ചതാണെന്നാണ് രേഖകളില് പറയുന്നത്.
ഈ കൊടിമരം മാറ്റിസ്ഥാപിക്കുമ്പോള് ഈ വാജി വാഹനം തന്ത്രിയുടെ പക്കല് ഏല്പ്പിച്ചു. എന്നാല്, ദേവസ്വം വിജിലന്സിന്റെ അന്വേഷണത്തില് അഷ്ടദിക്ക്പാലകന്മാര് എവിടെയാണെന്ന കാര്യത്തില് വ്യക്തതയില്ല.
പഴയ കൊടിമരത്തിലുണ്ടായിരുന്ന വാജിവാഹനം തന്ത്രി കണ്ഠരര് രാജീവര് കൈവശം വെച്ചിരിക്കുകയായിരുന്നു. വർഷങ്ങൾ പഴക്കമുള്ള ശിൽപ്പമാണ് വാജിവാഹനം. 11കിലോ തൂക്കം വരുന്ന പഞ്ചലോഹത്തിൽ സ്വർണം പൊതിഞ്ഞതാണ് ഇത്.
ശബരിമലയില് ഉണ്ടായിരുന്ന വളരെ മൂല്യമുള്ള വാജിവാഹനം 2017 ലാണ് തന്ത്രി വീട്ടിലേക്ക് കൊണ്ടുപോയത്. കട്ടിളപ്പാളി കേസില് തന്ത്രിയെ അറസ്റ്റ് ചെയ്തതിന് ശേഷം എസ്ഐടി സംഘം തന്ത്രിയുടെ വീട്ടില് റെയ്ഡ് നടത്തുകയും വാജിവാഹനം കണ്ടെത്തി കസ്റ്റഡിയിൽ എടുക്കുകയുമായിരുന്നു.
Discussion about this post