പത്തനംതിട്ട: വരുന്ന നിയമസഭ തെരഞ്ഞെടുപ്പില് സ്ത്രീകള്ക്കും യുവാക്കള്ക്കും കൂടുതല് പ്രാതിനിധ്യം നല്കുമെന്ന് പ്രതിപക്ഷ നേതാവ് വിഡി സതീശന് പറഞ്ഞു.
ഇങ്ങനെ അവസരം നൽകുന്നതിൽ മുതിര്ന്നവരെ മാറ്റി നിര്ത്തും എന്നൊന്നും പറഞ്ഞിട്ടില്ല എന്നും കൂടുതല് യുവാക്കളെയും സ്ത്രീകളെയും കൊണ്ടുവരുമെന്നും പ്രായമുള്ളവരെല്ലാം പിരിഞ്ഞുപോകണം എന്നല്ല ഇതിനര് ത്ഥമെന്നും സതീശൻ പറഞ്ഞു.
മാറ്റം ഉണ്ടാകും. കോണ്ഗ്രസ് ദേശീയ നേതൃത്വത്തിന്റെ കൂടി ആഗ്രഹമാണിത്. സംഘടനാപരമായും അങ്ങനെ വേണം. അതുകൊണ്ട് മുതിര്ന്ന നേതാക്കളൊന്നും പാര്ട്ടി വിട്ടു പോയിട്ടില്ലല്ലോ എന്നും വിഡി സതീശന് പറഞ്ഞു.
സംഘടനാ തലത്തിലും തെരഞ്ഞെടുപ്പുകളിലും സ്ത്രീകള്ക്കും ചെറുപ്പക്കാര്ക്കും നല്ല പ്രാതിനിധ്യം നല്കണമെന്ന് രാഹുല് ഗാന്ധി തന്നെ നിര്ദേശിച്ചിട്ടുണ്ട്. 50 ശതമാനം വേണമെന്ന് പറയാറുണ്ട്. അതു നടപ്പാക്കേണ്ട ചുമതല ഞങ്ങള്ക്കുണ്ടെന്നും വിഡി സതീശന് അടൂരിൽ പറഞ്ഞു.
Discussion about this post