ആലപ്പുഴ: ആലപ്പുഴയില് പക്ഷിപ്പനി സ്ഥിരീകരിച്ചു. ഇരുപതിനായിരത്തിലേറെ താറാവുകളാണ് ചത്തൊടുങ്ങിയത്. കുട്ടനാട്ടിലെ ഏഴ് പഞ്ചായത്തുകളിലായാണ് പക്ഷിപ്പനി സ്ഥിരീകരിച്ചത്.
കേന്ദ്ര മൃഗസംരക്ഷണ മന്ത്രാലയം ഇക്കാര്യം സര്ക്കാരിനെ അറിയിച്ചു. നെടുമുടി, ചെറുതന, കരുവാറ്റ, കാര്ത്തികപ്പള്ളി, അമ്പലപ്പുഴ തെക്ക്, പുന്നപ്ര തെക്ക്, തകഴി അടക്കമുള്ളയിടങ്ങളിലാണ് പക്ഷിപ്പനിയുടെ ലക്ഷണങ്ങളോടെ താറാവുകള് ചത്തത്.
തുടര്ന്ന് തിരുവല്ലയിലെ ലാബില് നടത്തിയ പരിശോധനയില് ഫലം പോസിറ്റിവായി. ഇതിന് പിന്നാലെ ഭോപ്പാലിലേക്ക് പരിശോധനയ്ക്കായി അയക്കുകയായിരുന്നു.
അവിടെ ഹൈ സെക്യൂരിറ്റി അനിമല് ഡിസീസ് ലബോറട്ടറിയില് നടത്തിയ പരിശോധനയിലും ഫലം പോസിറ്റീവായതോടെ കേന്ദ്ര മൃഗസംരക്ഷണ മന്ത്രാലയം സര്ക്കാരിനെ അറിയിച്ചു.
Discussion about this post