പാലക്കാട്: പാലക്കാട് ആള്ക്കൂട്ട ആക്രമണത്തില് ഇതരസംസ്ഥാന തൊഴിലാളി മര്ദ്ദനമേറ്റ് കൊല്ലപ്പെട്ട സംഭവത്തില് അഞ്ചു പേര് അറസ്റ്റില്. ് വാളയാര് അട്ടപ്പള്ളത്ത് ആണ് സംഭവം.
അട്ടപ്പള്ളം സ്വദേശികളായ അനു, പ്രസാദ്, മുരളി, അനന്തന്, വിബിന് എന്നിവരാണ് അറസ്റ്റിലായത്. ഛത്തീസ്ഗഡ് സ്വദേശിയായ രാം നാരായണ് ഭയ്യയാണ് കൊല്ലപ്പെട്ടത്. 31 വയസ്സായിരുന്നു. റോഡിലൂടെ നടന്നുപോവുകയായിരുന്ന രാം നാരായണനെ മോഷ്ടാവാണെന്ന് സംശയിച്ച് ആള്ക്കൂട്ടം തടഞ്ഞു വെച്ചു.
തുടര്ന്ന് ക്രൂരമായി മര്ദ്ദിക്കുകയുമായിരുന്നു. ആക്രമണത്തെ തുടര്ന്ന് രക്തം വാര്ന്ന് ഒന്നര മണിക്കൂറോളം രാംനാരായണ് റോഡില് കിടന്നു. ഗുരുതരമായി പരിക്കേറ്റ യുവാവിനെ പിന്നീട് പാലക്കാട് ജില്ലാ ആശുപത്രിയില് എത്തിച്ചെങ്കിലും മരിക്കുകയായിരുന്നു.
രാം നാരായണ് മാനസിക പ്രശ്നങ്ങള് ഉള്ളയാളാണെന്ന് പൊലീസ് സൂചിപ്പിച്ചു. മരിച്ച രാം നാരായണിന്റെ മൃതദേഹം ഇന്ന് തൃശൂര് മെഡിക്കല് കോളജില് പോസ്റ്റ്മോര്ട്ടം നടത്തും.
Discussion about this post