കൊച്ചി: നടിയെ ആക്രമിച്ച കേസിൽ പ്രതിയായ ദിലീപിനെ കുറ്റവിമുക്തനാക്കിയതിന് പിന്നാലെ ദിലീപിന്റെ ആവശ്യ അംഗീകരിച്ച് പാസ്പോർട്ട് തിരിച്ചുനല്കാൻ എറണാകുളം പ്രിൻസിപ്പല് സെഷൻസ് കോടതി തീരുമാനിച്ചു.
കേസിൽ അറസ്റ്റിലായ സമയത്ത് ജാമ്യം ലഭിച്ചപ്പോൾ വ്യവസ്തകളുടെ ഭാഗമായി ദിലീപ് കോടതിയില് പാസ്പോർട്ട് സമർപ്പിച്ചിരുന്നു. പിന്നീട് വ്യവസ്തകളില് പലതവണ ഇളവ് തേടുകയും വിദേശത്തേക്ക് പോവുകയും ചെയ്തിരുന്നു.
പിന്നീട് പാസ്പോർട്ട് വീണ്ടും കോടതിയുടെ കസ്റ്റഡിയിലായി. ഇപ്പോൾ പുതിയ സിനിമയുടെ പ്രമോഷനുവേണ്ടി വിദേശത്തേക്ക് പോകണം എന്നതുൾപ്പെടെയുള്ള കാര്യങ്ങൾ ഉള്ളതിനാൽ പാസ്പോർട്ട് തിരിച്ച് നൽകണമെന്ന് ദിലീപിന്റെ അഭിഭാഷകർ കോടതില് ബോധ്യപ്പെടുത്തി.
കേസില് കുറ്റവിമുക്തനായ ദിവസം തന്നെ പാസ്പോർട്ട് തിരിച്ച് നല്കണം എന്ന് പ്രതിഭാഗം കോടതിയില് ആവശ്യപ്പെട്ടിരുന്നു. എന്നാല് പ്രോസിക്യൂഷൻ കോടതിയില് പറഞ്ഞത് അപ്പീല് പോകേണ്ട ആവശ്യമുണ്ടെന്നും അതിനാല് പാസ്പോർട്ട് തിരിച്ച് നല്കരുതെന്നുമാണ്.
ഈ വിഷയം ഇന്ന് വീണ്ടു പരിഗണിച്ച കോടതി വ്യക്തമാക്കിയത് ദിലീപ് കേസില് കുറ്റ വിമക്തൻ ആണെന്നും കുറ്റവിമുക്തനാക്കപ്പെട്ടതോടെ ജാമ്യബോണ്ടുകൾ അവസാനിച്ചെന്നും അതുകൊണ്ടുതന്നെ പാസ്പോർട്ട് തിരിച്ചു നല്കാവുന്നതാണെന്നുമാണ്.
Discussion about this post