പാലക്കാട്: രാഹുല് മാങ്കൂട്ടത്തില് എംഎല്എ തദ്ദേശ തെരഞ്ഞെടുപ്പില് വോട്ട് ചെയ്യാന് എത്തിയേക്കും. രണ്ടാമത്തെ ബലാത്സംഗ കേസില് ഉപാധികളോടെ തിരുവനന്തപുരം പ്രിന്സിപ്പല് സെഷന്സ് കോടതി മുന്കൂര് ജാമ്യം അനുവദിച്ചതിനാല് രാഹുല് ഇന്ന് പാലക്കാട് എത്തുമെന്നാണ് സൂചന. പാലക്കാട് നഗരസഭയിലെ കുന്നത്തൂര്മേട് സെന്റ് സെബാസ്റ്റ്യന് സ്കൂളിലെ രണ്ടാം നമ്പര് ബൂത്തിലാണ് വോട്ട്.
രാഹുല് താമസിക്കുന്ന ഫ്ലാറ്റ് സ്ഥിതി ചെയ്യുന്ന സ്ഥലത്തെ ബൂത്തിലാണ് വോട്ട്. പാലക്കാട് നഗരസഭയിലെ 24ാം വാര്ഡാണിത്. ഈ വാര്ഡില് രാഹുല് നേരത്തെ പ്രചാരണം നടത്തിയിരുന്നു. രാഹുല് വോട്ട് ചെയ്യാന് എത്തും എന്നാണ് പൊലീസിന് ലഭിച്ച റിപ്പോര്ട്ട്.
വൈകുന്നേരം 5നും 6നും ഇടയില് എത്തുമെന്നാണ് രാഹുലുമായി അടുത്ത ബന്ധമുള്ള കോണ്ഗ്രസ് നേതാക്കള് പറയുന്നത്. രാഹുല് എത്തിയാല് ഡി വൈ എഫ് ഐയും ബി ജെ പിയും പോളിങ് ബൂത്തിനരികെ പ്രതിഷേധിക്കും. അതിനാല് കൂടുതല് പൊലീസിനെ സ്ഥലത്തു നിയോഗിച്ചിട്ടുണ്ട്.
Discussion about this post