തിരുവനന്തപുരം: പാമ്പിന്റെ കടിയേറ്റ എട്ടുവയസുകാരന് മരിച്ചു. തിരുവനന്തപുരം ജില്ലയിലെ വര്ക്കലയിലാണ് സംഭവം. ജനാര്ദനപുരം തൊടിയില് വീട്ടില് അമ്പു വിശ്വനാഥിന്റെയും അഥിദി സത്യന്റെയും ഏക മകന് ആദിനാഥാണ് മരിച്ചത്.
വീടിന് മുന്നില്വെച്ച് ആണ് കുട്ടിയെ പാമ്പ് കടിച്ചത്.
വ്യാഴാഴ്ച വൈകീട്ട് 6.45ഓടേയായിരുന്നു സംഭവം. വീടിന്റെ മുന്ഭാഗത്തെ പടിയില്ക്കിടന്ന പാമ്പിനെ അറിയാതെ ആദിനാഥ് ചവിട്ടുകയും തുടര്ന്ന് കടിയേല്ക്കുകയുമായിരുന്നു.
പാമ്പ് കടിച്ച വിവരം കുട്ടി വീട്ടുകാരെ അറിയിച്ചിരുന്നു. വീട്ടുകാര് കുട്ടിയെ ആദ്യം പാരിപ്പള്ളി മെഡിക്കല് കോളജിലെത്തിച്ചു. തുടര്ന്ന് തിരുവനന്തപുരം മെഡിക്കല് കോളജിലേക്കു കൊണ്ടുപോകവേ രാത്രി 11 മണിയോടെയാണ് മരണം സംഭവിച്ചത്.
Discussion about this post