പത്തനംതിട്ട: ശബരിമലയിൽ ഇത്തവണ വന് ഭക്തജന തിരക്ക് ആണ് അനുഭവപ്പെടുന്നത്. മണ്ഡല – മകല വിളക്ക് സീസണിലെ ആദ്യ നാല് ദിവസങ്ങളിലായി ശബരിമലയിലെത്തിയത് 3.28 ലക്ഷം തീർഥാടകരാണ്.
വെര്ച്വല് ക്യൂ, സ്പോട്ട് ബുക്കിങ് ഉള്പ്പെടെയുള്ള കണക്കുകളിലാണ് കണക്കുകൾ രേഖപ്പെടുത്തിയിരിക്കുന്നത്. കഴിഞ്ഞ സീസണില് ആദ്യ നാല് ദിവസങ്ങളിലായി ശബരിമലയിലെത്തിയത് രണ്ട് ലക്ഷത്തോളം ഭക്തരായിരുന്നു.
ഈ സീസണിൽ ആദ്യത്തെ ആഴ്ച പിന്നിട്ടപ്പോള് ആണ് തീര്ത്ഥാടകരുടെ എണ്ണം നാല് ലക്ഷം കവിഞ്ഞത്. 16ന് വൈകിട്ട് അഞ്ചിന് തുറന്നശേഷം 53,278 പേരും 17ന് 98,915 പേരും 18ന് 1,12,056 പേരും ദര്ശനം കഴിഞ്ഞ് മടങ്ങി. 19ന് വൈകിട്ട് 6 വരെ 64,574 പേരും സന്നിധാനത്തെത്തി.
Discussion about this post