കൊച്ചി: യുഡിഎഫ് സ്ഥാനാര്ത്ഥിയും സംവിധായകനുമായ വി എം വിനുവിന് തിരിച്ചടി. വോട്ടര് പട്ടികയില് പേരില്ലാത്തത് ചോദ്യം ചെയ്ത് സമര്പ്പിച്ച ഹര്ജിയില്, കോഴിക്കോട് കോര്പ്പറേഷനിലേക്ക് മത്സരിക്കാനൊരുങ്ങിയ സെലിബ്രിറ്റിക്ക് പ്രത്യേക പരിഗണനയില്ലെന്ന് ഹൈക്കോടതി അറിയിച്ചു.
പട്ടികയില് പേരില്ലാത്തതിനെതിരെയുള്ള വി എം വിനുവിന്റെ ഹര്ജി ഹൈക്കോടതി തള്ളി. സെലിബ്രിറ്റിക്കും സാധാരണ ജനങ്ങള്ക്കും രാജ്യത്ത് ഒരേ പരിഗണന മാത്രമേ ഉള്ളൂവെന്നും ഹൈക്കോടതി അഭിപ്രായപ്പെട്ടു.
താങ്കള് ഈ രാജ്യത്തെ പൗരനല്ലേയെന്ന് കോടതി ചോദിച്ചു. തെരഞ്ഞെടുപ്പ് കമ്മീഷന് കരട് വോട്ടര് പട്ടിക പ്രസിദ്ധീകരിച്ചതും, അതിന്മേല് എതിര്പ്പുകള് ഉണ്ടെങ്കില് അറിയിക്കാന് മാധ്യമങ്ങളിലൂടെയും മറ്റും അറിയിക്കുകയും ചെയ്തത് അറിഞ്ഞില്ലേ?. സെലിബ്രിറ്റി പത്രം വായിക്കാറില്ലേ എന്നും ജസ്റ്റിസ് പി വി കുഞ്ഞികൃഷ്ണന് ചോദിച്ചു.
സെലിബ്രിറ്റി ആയതുകൊണ്ട് അനുകൂല ഉത്തരവ് നല്കാനാവില്ല. നിങ്ങളുടെ കഴിവുകേടിന് മറ്റു രാഷ്ട്രീയ പാര്ട്ടികളെ കുറ്റപ്പെടുത്തരുതെന്നും കോടതി അഭിപ്രായപ്പെട്ടു.
Discussion about this post