മലപ്പുറം: ബസ് ഫീസ് രണ്ട് മാസം കുടിശികയായതിന്റെ പേരില് യു കെ ജി വിദ്യാര്ത്ഥിയെ സ്കൂള് ബസില് കയറ്റിയില്ലെന്ന് പരാതി. മലപ്പുറം ചേലേമ്പ്ര എ എല് പി സ്കൂള് ഹെഡ്മിസ്ട്രസിനും മാനേജര്ക്കുമെതിരെ കുഞ്ഞിന്റെ അമ്മ പൊലീസിലും വിദ്യഭ്യാസ വകുപ്പിനും ബാലാവകാശകമ്മീഷനും പരാതി നല്കി.
ചൊവ്വാഴ്ചയാണ് സംഭവം. യൂണിഫോമിട്ട് ബാഗും വാട്ടര് ബോട്ടിലുമൊക്കെയായി സന്തോഷത്തോടെ സ്കൂളിലേക്ക് പോകാനിറങ്ങിയ അഞ്ചുവയസുകാരനെയാണ് ഫീസ് കുടിശികയുടെ പേരില് ബസില് കയറ്റാതിരുന്നത്.
സ്കൂളിലെ പ്രധാനാധ്യാപികയുടെ നിര്ദ്ദേശമുണ്ടെന്ന് പറഞ്ഞാണ് ഡ്രൈവര് കുട്ടിയെ ബസില് കയറ്റാതിരുന്നത്. കൂടെയുണ്ടായിരുന്ന മറ്റൊരു യുകെജിക്കാരനെ ബസില് കയറ്റിക്കൊണ്ടുപോവുകയും ചെയ്തു.
Discussion about this post