പത്തനംതിട്ട; വനിത പഞ്ചായത്ത് പ്രസിഡന്റിന് മുന്നിൽ നഗ്നതാ പ്രദർശനം നടത്തിയ യുവാവ് പിടിയിൽ. പത്തനംതിട്ടയിലാണ് സംഭവം. ആനിക്കാട് ഗ്രാമ പഞ്ചായത്ത് പ്രസിഡന്റ് സൂസൻ ഡാനിയേലിൻ്റെയും
വനിതാ ജീവനക്കാരുടെയും മുന്നിലായിരുന്നു നഗ്നതാപ്രദർശനം.
അയിരൂർതറ സ്വദേശി അജിത് ഫ്രാൻസിസാണ് മദ്യ ലഹരിയിൽ നഗ്നത പ്രദർശിപ്പിച്ചത്. സൂസനെയും വനിതാജീവനക്കാരെയും അസഭ്യം പറഞ്ഞ ശേഷമാണ് യുവാവ് നഗ്നത പ്രദർശനം നടത്തിയത്.
കഴിഞ്ഞ ദിവസം വൈകിട്ടായിരുന്നു സംഭവം. നടുറോഡിൽ യുവാവ് നഗ്നതാ പ്രദർശനം നടത്തുന്നതിന്റെ വീഡിയോ പുറത്ത് വന്നിട്ടുണ്ട്. പൊലീസെത്തി അജിത്തിനെ കസ്റ്റഡിയിലെടുത്തു. കോടതിയിൽ ഹാജരാക്കിയ യുവാവിനെ റിമാൻഡ് ചെയ്തു.
Discussion about this post