കൊച്ചി: പിടിച്ചെടുത്ത വാഹനം വിട്ടു നല്കുന്നതിന് കൈക്കൂലി വാങ്ങിയ ഗ്രേഡ് എസ്ഐയ്ക്കെതിരെ നടപടി. മരട് ഗ്രേഡ് എസ്ഐ കെ ഗോപകുമാറിനെയാണ് സസ്പെന്ഡ് ചെയ്തത്.
അപകടവുമായി ബന്ധപ്പെട്ട് പിടിച്ചെടുത്ത വാഹനം വിട്ടുനൽകുന്നതിന് വാഹന ഉടമയില് നിന്ന കൈക്കൂലി വാങ്ങുന്നതിനിടെ ഗ്രേഡ് എസ്ഐയെ വിജിലന്സ് കൈയോടെ പിടികൂടിയിരുന്നു.
ഓഗസ്റ്റ് 25ന് ആണ് സംഭവം. സ്റ്റേഷനില് ഹാജരായ പരാതിക്കാരനോട് ലോറി വിട്ടു നല്കണമെങ്കില് 10,000 നല്കണമെന്ന് ഗോപകുമാര് ആവശ്യപ്പെടുകയായിരുന്നു. വൈറ്റില ഹബ്ബിന് സമീപം വച്ച് എറണാകുളം പള്ളിക്കര സ്വദേശിയായ പരാതിക്കാരന്റെ ഉടമസ്ഥതയിലുള്ള ഗ്യാസ് സിലിണ്ടര് കയറ്റിയ ലോറി ഓടിച്ചിരുന്ന ഡ്രൈവര്ക്ക് ഹൃദയാഘാതം സംഭവിച്ചിരുന്നു.
തുടര്ന്ന് ഒരു വൈദ്യുതി പോസ്റ്റിലും കാറിലും ബൈക്കിലും മതിലിലും ഇടിച്ച് അപകടം സംഭവിച്ചിരുന്നു. തുടര്ന്ന് സ്ഥലത്തെത്തിയ പോലീസ് അപകടത്തില്പ്പെട്ട ഡ്രൈവറെ ആശുപത്രിയില് പ്രവേശിപ്പിച്ചിച്ചു.
കോമയിലായ ഡ്രൈവര് സുഖം പ്രാപിച്ചതോടെ മരട് പോലീസ് അപകടവുമായി ബന്ധപ്പെട്ട് കേസ് റജിസ്റ്റര് ചെയ്തു. പിന്നാലെ ഗോപുകുമാര് പരാതിക്കാരനെ ബന്ധപ്പെട്ട് ലോറി വിട്ട് നല്കുന്നതിന് സ്റ്റേഷനില് ഹാജരാകാന് നിര്ദേശിച്ചു.
Discussion about this post