കൊല്ലം: രോഗികൾക്ക് ഏറെ സഹായകരമാകുന്ന കൊല്ലം സര്ക്കാര് മെഡിക്കല് കോളേജിലെ 10 വിവിധ പദ്ധതികളുടെ ഉദ്ഘാടനം നാളെ.ആരോഗ്യ വകുപ്പ് മന്ത്രി വീണാ ജോര്ജ് ആണ് ഉദ്ഘാടനം നിര്വഹിക്കുക.
രാവിലെ 11 മണിക്ക് ആണ് ഉദ്ഘാടനച്ചടങ്ങ്. ലക്ഷ്യ ലേബര് റൂം, എച്ച്.ഡി.എസ്. പേ വാര്ഡ്, എച്ച്.ഡി.എസ്. പേയിംഗ് ഫാര്മസി, വയോജന ക്ലിനിക് & മോഡല് പാലിയേറ്റീവ് കെയര് ഡിവിഷന്, ഫ്ളൂറോസ്കോപ്പി, ഫുള്ളി ഓട്ടോമെറ്റഡ് ക്ലിനിക്കല് കെമിസ്ട്രി അനലൈസര്, ബോധിക അക്കാഡമിക് പാര്ക്ക് & പബ്ലിക് ലൈബ്രറി, സൈക്കോ സോഷ്യല് റിഹാബിലിറ്റേഷന്, ചിറക് ചൈല്ഡ് ഡെവലപ്മെന്റ് സെന്റര്, ഇന്ഡോര് ക്രിക്കറ്റ് ആസ്ട്രേ ടര്ഫ് തുടങ്ങിയ പദ്ധതികളുടെ ഉദ്ഘാടനമാണ് മന്ത്രി നിര്വഹിക്കുന്നത്.
4 കോടിയിലധികം രൂപയുടെ പദ്ധതിയാണിത്. ജി.എസ്. ജയലാല് അധ്യക്ഷത വഹിക്കുന്ന ചടങ്ങില് എന്.കെ. പ്രേമചന്ദ്രന് എംപി മുഖ്യാതിഥി ആയിരിക്കും
ഗര്ഭിണികള്ക്ക് പ്രസവ സമയത്തും ശേഷവും മികച്ച ഗുണനിലവാരമുള്ള പരിചരണം ഉറപ്പ് വരുത്തുന്നതിനായാണ് 1.39 കോടി രൂപ ചിലവഴിച്ച് ഗൈനക് ബ്ലോക്കും ലക്ഷ്യ നിലവാരത്തില് ഓപ്പറേഷന് തീയറ്ററും അനുബന്ധ സംവിധാനങ്ങളും സജ്ജമാക്കിയത്.
40 ലക്ഷം രൂപ ചിലവഴിച്ചാണ് എച്ച്.ഡി.എസ്. പേ വാര്ഡുകള് സജ്ജമാക്കിയത്. 23 റൂമുകള് ആണ് സജ്ജമാക്കുന്നത്. അതില് 5 എ.സി. റൂമുകളും ഉള്പ്പെടും.
45 ലക്ഷം രൂപ ചിലവഴിച്ച് 24 മണിക്കൂറും പ്രവര്ത്തിക്കുന്ന എച്ച്.ഡി.എസ് പേയിങ് ഫാര്മസി സജ്ജമാക്കി. ഏറ്റവും വില കുറവില് ഗുണമേന്മയുള്ള മരുന്നുകള് ലഭ്യമാക്കുക എന്നതാണ് ലക്ഷ്യം.
40 ലക്ഷം രൂപ ചിലവില് ഡയ്നോഗസ്റ്റിക് ബ്ലോക്കില് ജെറിയാട്രിക് ഒ.പി ഉള്പ്പെട്ട വയോജന ക്ലിനിക്ക് സജ്ജമാക്കി. നിലവില് മെമ്മറി ക്ലിനിക്കും മോഡല് പാലിയേറ്റിവ് കെയര് ക്ലിനിക്കും, ലിവിങ് വില് ഇന്ഫര്മേഷന് ക്ലിനിക്കും പ്രവര്ത്തിച്ചു വരുന്നു. 74 ലക്ഷം രൂപ ചിലവഴിച്ച് ഡിജിറ്റല് ഫ്ളൂറോ സ്കോപ്പി മെഷീന് സ്ഥാപിച്ചു.
Discussion about this post