കണ്ണൂര്: എഡിഎം നവീന് ബാബുവിന്റെ മരണത്തില് തുടരന്വേഷണമില്ല. അന്വേഷണ സംഘം ശരിയായ രീതിയില് അന്വേഷണം നടത്തിയില്ലെന്നാരോപിച്ച് തുടരന്വേഷണം ആവശ്യപ്പെട്ട് ഭാര്യ മഞ്ജുഷ നല്കിയ ഹര്ജി തള്ളി.
ഹര്ജി കണ്ണൂര് ജുഡീഷ്യല് ഫസ്റ്റ് ക്ലാസ് മജിസ്ട്രേട്ട് കോടതിയാണ് തള്ളിയത്. കേസിന്റെ വിചാരണ തലശ്ശേരി സെഷന്സ് കോടതിയില് ആരംഭിക്കും. അഭിഭാഷകനായ ജോണ് എസ് റാഫ് മുഖേനയാണ് മഞ്ജുഷ ഹർജി സമർപ്പിച്ചത്.
നവീന് ബാബു കൈക്കൂലി വാങ്ങിയെന്ന തരത്തിലാണ് തുടക്കം മുതല് അന്വേഷണ സംഘം നീങ്ങിയതെന്നും പക്ഷപാതപരമായ അന്വേഷണമാണ് നടത്തിയതെന്നുമായിരുന്നു തുടരന്വേഷണം ആവശ്യപ്പെട്ട് മഞ്ജുഷ നല്കിയ ഹര്ജിയില് പറഞ്ഞത്.
അന്വേഷണ സംഘത്തിന്റെ വീഴ്ചകള് ഒന്നൊന്നായി ഹര്ജിയില് ചൂണ്ടിക്കാട്ടുകയും ചെയ്തിരുന്നു. അന്വേഷണസംഘം തെളിവുകളെ നിരാകരിക്കുകയും പ്രതിക്ക് അനുകൂലമാക്കി തീര്ക്കുകയും ചെയ്തെന്നും ഹര്ജിയില് വ്യക്തമാക്കിയിരുന്നു.
Discussion about this post