പാലക്കാട്: പാലക്കാട് ജില്ലയിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു. പാലക്കാട് ജില്ലയിലെ സ്കൂളുകള്, അങ്കണവാടി, മദ്രസകള്, ട്യൂഷന് സെന്ററുകള് എന്നിവക്കാണ് ജില്ലാ കളക്ടര് നാളെ അവധി പ്രഖ്യാപിച്ചിരിക്കുന്നത്.
ശക്തമായ മഴ തുടരുന്നതിനലാണ് ജില്ലാ കലക്ടര് അവധി പ്രഖ്യാപിച്ചത്. കോളേജുകള്ക്ക് അവധി ബാധകമല്ല. അതേസമയം, സംസ്ഥാനത്ത് ഒറ്റപ്പെട്ട ഇടങ്ങളില് കനത്ത മഴ തുടരുകയാണ്. ഇന്ന് കാസര്കോട്, കണ്ണൂര്, വയനാട് ജില്ലകളില് ഓറഞ്ച് അലര്ട്ടുണ്ട്. പത്തനംതിട്ട, കോട്ടയം, എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
Discussion about this post