പത്തനംതിട്ട: ശമ്പള കുടിശ്ശിക ലഭിക്കാത്തതിനെ തുടർന്ന് പത്തനംതിട്ടയിൽ അധ്യാപികയുടെ ഭര്ത്താവ് ജീവനൊടുക്കിയ സംഭവത്തിൽ ഒടുവിൽ ശമ്പള കുടിശ്ശികയിൽ 29 ലക്ഷം രൂപ അക്കൗണ്ടിലെത്തി.
12 വര്ഷത്തെ കുടിശ്ശിക ലഭിക്കാന് ജില്ലാ വിദ്യാഭ്യാസ ഓഫീസില് കയറി മടുത്താണ് അത്തിക്കയം വടക്കേചരുവില് വിടി ഷിജോ (47) ജീവനൊടുക്കിയത്. 50ലക്ഷം രൂപയായിരുന്നു കിട്ടാനുണ്ടായിരുന്നത്.
കഴിഞ്ഞദിവസമാണ് അക്കൗണ്ടില് പകുതി കുടിശ്ശിക എത്തിയത്. ബാക്കി തുക പിഎഫ് അക്കൗണ്ടിലെത്തും. ഹൈക്കോടതി ഉത്തരവ് വന്ന് എട്ടുമാസം കഴിഞ്ഞിട്ടും നടപടിക്രമങ്ങള് വൈകിയിരുന്നു. ഉദ്യോഗസ്ഥര് ഫയൽ നീക്കം വൈകിപ്പിച്ചതായിരുന്നു കുടിശ്ശിക ലഭിക്കാതിരിക്കാന് കാരണം.
ശമ്പള കുടിശ്ശിക നല്കുന്നതില് വീഴ്ച വരുത്തിയ ഡിഇ ഓഫീസിലെ മൂന്നു ഉദ്യോഗസ്ഥരെ വിദ്യാഭ്യാസ മന്ത്രി സസ്പെന്ഡ് ചെയ്തിരുന്നു. വകുപ്പ് തല അന്വേഷണം പൂര്ത്തിയാകുമ്പോള് പിരിച്ചുവിടല് നടപടി ഉണ്ടാകുമെന്നും മന്ത്രി വ്യക്തമാക്കിയിരുന്നു.
Discussion about this post