മലപ്പുറം: സ്വകാര്യ ബസിനു നേരെ സ്കൂട്ടര് യാത്രികന്റെ ആക്രമണം. മലപ്പുറം ഐക്കരപടിയിൽ ആണ് സംഭവം.കൊണ്ടോട്ടി സ്വദേശി ഷംനാദാണ് ബസ് ആക്രമിച്ചത്.
ഷംനാദ് ഹെല്മറ്റ് ഉപയോഗിച്ച് ബസിന്റെ ചില്ല് അടിച്ചു തകര്ത്തു. മഞ്ചേരിയിൽ നിന്ന് കോഴിക്കോട്ടേക്ക് പോകുകയായിരുന്ന മാൻകോ ബസിന്റെ ചില്ലാണ് തകർത്തത്.
ബസിലെ സിസിടിവിയിൽ പതിഞ്ഞ സംഭവത്തിന്റെ ദൃശ്യങ്ങളും പുറത്തുവന്നു. ബസിന് മുന്നിലായി റോഡിന് നടുവിലായി ഷംനാദ് സ്കൂട്ടറിൽ പോവുകയായിരുന്നു.
ഇതിനിടെ, ബസ് ഡ്രൈവർ ഹോൺ മുഴക്കിയിരുന്നു.
ഇതിൽ പ്രകോപിതനായി ഷംനാദ് സ്കൂട്ടര് ബസിനു മുന്നില് നിര്ത്തി ഇറങ്ങിവന്ന് ഡ്രൈവറോട് സംസാരിക്കുന്നതിനിടെ ഹെല്മറ്റ് കൊണ്ട് സൈഡിലെ ചില്ല് അടിച്ചു പൊട്ടിക്കുകയായിരുന്നുവെന്ന് ബസ് ജീവനക്കാര് പറഞ്ഞു.
ബസ് ജീവനക്കാരുടെ പരാതിക്ക് പിന്നാലെ ഷംനാദ് കൊണ്ടോട്ടി പൊലീസ് സ്റ്റേഷനില് ഹാജരായി.
Discussion about this post