ആലപ്പുഴ: വിദ്യാര്ഥിയെ ബസ്സിടിപ്പിക്കാന് ശ്രമിച്ച് കെഎസ്ആര്ടിസി ഡ്രൈവര്. അരൂരിലാണ് സംഭവം.
ദേഹത്തേക്ക് ചെളിവെള്ളം തെറിപ്പിച്ചതിനെതിരെ പ്രതിഷേധിച്ചതിൻ്റെ ദേഷ്യത്തിൽ ആണ് ബസ്സിടിപ്പിക്കാന് ശ്രമിച്ചത്.
കോതമംഗലത്ത് വിദ്യാര്ഥിയായ യദുകൃഷ്ണന്റെ ദേഹത്തേക്കാണ് തിരുവനന്തപുരം അങ്കമാലി റൂട്ടില് സര്വീസ് നടത്തുന്ന കെഎസ്ആര്ടിസി സ്വിഫ്റ്റ് ബസ് ചെളിവെള്ളം തെറിപ്പിച്ചത്.
സംഭവത്തിന്റെ വിഡിയോയും പുറത്തുവന്നു. അരൂരിലെ സ്വകാര്യ ഹോട്ടലിനു മുന്നിൽ വച്ചായിരുന്നു സംഭവം. ബൈക്കില് തൃപ്പൂണിത്തുറയിലേക്കു പോവുകയായിരുന്ന യദുകൃഷ്ണന്റെ വസ്ത്രങ്ങളില് ചെളി പുരണ്ടു.
ഇതോടെ കോളജിലേക്കുള്ള യാത്ര മുടങ്ങുന്ന സ്ഥിതിയായി. തുടർന്ന് വിദ്യാര്ഥി ബസിനെ പിന്തുടര്ന്നെത്തി മുന്നില് കയറിനിന്ന് പ്രതിഷേധിക്കുകയായിരുന്നു.
എന്നാല്, ഡ്രൈവര് ഇത് അവഗണിച്ച് വാഹനം മുന്നോട്ടെടുക്കാന് ശ്രമിക്കുകയായിരുന്നു. സംഭവത്തില് പൊലീസില് പരാതി നല്കുമെന്ന് വിദ്യാര്ഥിയുടെ കുടുംബം അറിയിച്ചു.
Discussion about this post